Festdag for ein kraftkar

17.06.2005
Hans Krogstad, Trønnes og Kaj Sørbråten opner kraftverket
Hans Krogstad, Arne Trønnes og Kai Sørbråten opner kraftverket
Tidlegare ordførar i Skjåk Hans Krogstad fekk æra av å opne Øyberget kraftstasjon i går ettermiddag saman med direktør i Opplandskraft Arne Trønnes og prosjektleiar Kai Sørbråten. No produserar kraftverket for 20.000 kroner i timen.
Kaj Sørbråten har spengt siste salva for Øyberget kraftverk
Kaj Sørbråten har spengt siste salva for Øyberget kraftverk
Det var festdag for ein kraftkar han sa, Kai Sørbråten, i sin introroduksjon til opninga av Øyberget Kraftverk. Etter kulturarrangementet som var storslagent i seg sjølv, opna portene til tunnelen og kraftverket 400 meter inn i fjellet, med ein kraftig salve og røyk frå tunnelmunninga. Der kom kai Sørbråten ut med ei leidning og kontakten til generatorane.

Hans Krogstad, Arne Trønnes og Kai Sørbråten opna anlegget med å koble til generatorane i Øyberget Kraftverk. Ein generator som har 75 000 hestekrefter.

Anlegget skulle starte full produksjon etter planen 1.juni. Men ein tjuvstart har alt brakt 10 millionar kroner inn i kassa. No produserar verket for 20.000 kroner i timen. Det er ikkje rart at anlegget ble omtalt som gull i fjellet.

Ein stort stund for ein kraftkar
Krogstad har vore ein pådrivar for å sikre inntekter til kommunen gjennom LVK og ved å kjempe for utbygging av Øvre Otta. Hans Krogstad har vore drivkrafta for anlegget frå kommunen si side. Fyrste dag på arbeid som ordførar for 10 år sida tok han tak i saka. Og har fulgt den med entusiasme i sine to periodar som ordførar, og vidare dei to siste åra.

Utskriftsvenleg versjon
Skrive av: Morten Kielland