Fugleinfluensa og ansvar
 |
| Kanadagås |
Etter spreiing av fugleinfluensaviruset til fleire europeiske land dei siste dagane, har faren auka for at viruset også kjem til Norge.
Prinsippet om ansvar, nærleik og likheit ligg til grunn for alt nasjonalt beredskapsarbeid. Dette gjer at den etat som har ansvar for eit fagområde i ein normalsituasjon, også har ansvaret for å ta hand om ekstraordinære hendingar.
Mattilsynet
Mattilsynet har ansvar for beredskap, risikohandtering og
nedkjemping av dyresykdommen fugleinfluensa. Dei set i verk
overvaking, kontroll og importforbod.
www.mattilsynet.no
Veterinærinstituttet
Veterinærinstituttet har ansvar for risikovurdering tilknytta
dyresykdommen. Dei analyserer prøver teke i Norge og har ansvar for
overvakingsprogrammet på villfugl.
www.vetinst.no
Sosial- og helsedirektoratet
Sosial og helsedirektoratet har ansvar for beredskap, handtering og
nedkjemping dersom fugleinfluensaviruset blir spreidd til menneske.
Direktoratet har mynde på sosial- og helselovgjevingsområdet og kan
sette i verk førebyggande tiltak i samfunnet. www.shdir.no
Nasjonalt Folkehelseinstitutt
Nasjonalt Folkehelseinstitutt har ansvar for overvåking av sjukdom
hjå mennesker, rådgjeving om smittevern for mennesker og
vaksineberedskap. Instituttet gjev råd og informasjon til
helsemynde, helsetenesten og publikum om sjukdom, smitte,
smittevern og vaksinasjon.
www.fhi.no
