Lokale ringverknader av Øvre Otta utbygginga
 |
| Dønnfoss |
Sæbjørn Forberg har i oppdrag frå Vannkraft Øst skrivi rapporten Lokale ringverknader av Øvre Otta utbygginga.
Rapporten viser økonomiske og andre samfunnsmessige ringverknader i Skjåk, Lom og Vågå av bygginga av Øyberget og Framruste Kraftverk i Øvre Otta frå anleggsstart i 2002 til og med anleggsslutt i desember 2005.
Skjåk, Lom og Vågå var vertskommunar for Øvre Otta utbygginga, og ordet lokal syner i denne rapporten til verknader i desse kommunane.
Av rapporten går det fram kor stor sysselsetjing utbygginga har skapt i vertskommunane og kor stor den løpande kroneverdien av lokale underentreprisar, vare og tenesteleveransar til utbygginga har vore.
I tillegg gjev rapporten oversyn over skatt og avgiftsinntekter til kommunane frå Øvre Otta utbyggninga, saman med tilskot, fond, erstatningar og varige infrastruktur som utbyggninga let etter seg.
Sæbjørn Forberg trekkjer fram fire hovedpunkt utifrå rapporten.
- Øvre Otta utbygginga gav betydeleg sysselsetjing i vertskommunane med monalege lokaløkonomiske ringverknader under anleggsperioden.
- Øvre Otta utbygginga skapte langsiktige verdiar for utbyggningskommunen med omsyn til inntekter og infrastruktur.
- Det lokale næringslivet løyste utfordringane frå Øvre Otta utbygginga på ein måte som gav auka kompetanse og kapasitet.
- Øvre Otta utbygginga vart gjennomført på ein diskret måte med få negative følgjer for naturmiljøet.
