Ope møte om Ottadalen villreinområde

Den 24. april blir det gjennomført ope møte på Øyberget kraftstasjon i Skjåk om det pågåande planarbeidet for Ottadalsområdet. Ottadalsområdet blir som eitt av ti villreinområde i Noreg peikt ut som nasjonalt villreinområde, og i tilknyting til dette blir det utarbeidd regional plan.

På møtet vil det bli orientert om planprosessen, orientering om arbeidet med kartlegginga av villreinen i Ottadalsområdet, orientering frå ulike brukarar i området. Det blir også anledning til å stille spørsmål og kome med innspel. Møta er opne for alle, og vil vera viktig særleg med tanke på grunneigarar, lag, organisasjonar og næringsdrivande innan planområdet i kommunane Skjåk, Lom, Stryn og Stranda.

Det blir gjennomført to møte denne dagen:
09.00-12.00: Særskild fokus på Honnsjoen-Liafjellet
12.30-16.00: Særskild fokus på Grotli-Breiddalen og Strynefjellet-Tystigen

Det er fylkeskommunane i Oppland, Møre og Romsdal og Sogn og Fjordane som er planmyndigheit. For meir informasjon om planarbeidet,
sjå Regionale villreinplaner for Dovre og Ottadalen. Ta kontakt med prosjektleiar Anne Silje Berg,tlf 940 12 869 dersom det er spørsmål ikring møtet eller planarbeidet.