• Antall bekrefta smitta og isolert: 0
• Antall personer i karantene: 0

• Antall bekrefta smitta og isolert: 0
• Antall personer i karantene: 0

Status vaksinering veke 3 

• I veke 3 har vi motteke 2 hetteglass med vaksiner. Noko som tilsvarar frå 10-14 vaksiner. Vi kan maksimalt få ut 14 doser av to hetteglass men dette kan variere litt. 
• 13 doser i omsorgsbolig er vaksinert med 1 dose
• 3 helsepersonell med 1 dose 
• Fortsett med omsorgsboligar og helsepersonell i veke 4. 
   

Koronavirusstatus i Skjåk per 19. januar

1. Ingen smitta i Skjåk. 1 person i karantene.
2. Planlegginga av vaksinering er godt i gang. Vaksinen vi får utdelt vert sett fortløpande. Vaksinene vert prioritert utifrå kriterie sett av FHI og dei som får tilbod om vaksine vil vera kontakta for å avtale dette. (Sjå status under)

Status koronavaksinasjon tysdag 19.01:

• Dei på Skjåkheimen som ønskjer vaksine har alle fått 1 dose.
• Vidare  fortsett vi nå med dei som bur i omsorgsboligar.
• Samtidig har vi byrja å innhente samtykke hjå den eldste gruppa for vaksinering av dei.
• Parallelt har vi så vidt starta vaksinering av helsepersonell.
• Vi har utarbeida eit flygeblad som ligg på butikkane i Skjåk.

Kommuneoverlege Sondre Bøye melde i dag at per 12 januar er det fyrste gong på lang tid at ingen i Skjåk er i isolasjon eller i karantene. (ingen smitte)

Munnbind/smittevernutstyr

Det er påbod om munnbind i område med høgt smittetrykk. Skjåk er ei kommune med få smitta personar totalt, og har pr.d.d. lågt smittetrykk.  Våre tilsette brukar munnbind/ smittevernutstyr ut i frå FHI sine retningsliner. Dette er vurdert å vere ei forsvarleg måte å praktisere smittevern og samtidig behalde sosial stimulans på.

FHI sine retningsliner seier følgjande om dette:

• Ved lav forekomst av covid-19 i samfunnet og kjent smittekilde for de fleste tilfellene (smitterisikonivå 1 og 2), er sannsynligheten for å møte en smittet person liten og sannsynligheten for å møte en smittet uten symptomer, desto mindre. Utvidet bruk av munnbind, ev. også øyebeskyttelse, som et supplement til andre smitteverntiltak, er derfor ikke nødvendig.
• Sannsynligheten for å møte en smittet person uten symptomer, øker med økt forekomst av covid-19 i samfunnet, og når smittekilde i liten grad er kjent. Ved økende spredning (smitterisikonivå 3), kan utvidet bruk av munnbind på ansatte vurderes, men kun når det ikke er mulig å holde minst 1 meters avstand til andre. Før utvidet bruk av munnbind innføres, bør det sikres at tiltak og rutiner beskrevet ovenfor, er iverksatt. I tillegg bør en ha klare kriterier for når tiltaket skal avsluttes, og sikre tilgang til munnbind og avfallshåndtering. Bruk av munnbind vil ikke kunne erstatte, kun supplere de andre smitteverntiltakene.
• Ved utbredt og ukontrollert spredning (smitterisikonivå 4 og 5), anbefales utvidet bruk av munnbind på ansatte når de ikke kan holde minst 1 meters avstand til andre.

Koronavirusstatus per 26.desember:

Kommuneoverlege Sondre Bøye opplyser at det i Skjåk per 26. desember er ingen kjende smittetilfelle i Skjåk, men fire personar er i heimekarantene. 

Oppdaterte testtidspunkt per 26. desember 2020

Skjåk tilbyr koronatesting som vanleg 28.12 til 30.12. Ring legekontoret for avtale.
•    27.12 og 31.12 vert det tilbod om testing i Lom, ring 481 65 519 mellom kl.09.00-10.00 for avtale.
•    Det vert testing i Skjåk 01.01, 02.01 og 03.01 ring 909 89 436 mellom kl.09.00-10.00 for avtale.
•    Den 27.12, 31.12, 01.01, 02.01 og 03.01 er det kun koronatesting, ved behov for lege må ein kontakte legevakt.

Kommuneoverlege Sondre Bøye opplyser at det i Skjåk per 7. desember er ingen kjende smittetilfelle og difor ingen i heimeisolasjon. Fire personar er i heimekarantene etter mogleg kontakt med smitte. 

Det har siste tida vore smittetilfelle i Nord-dalen der ein ikkje har lukkast med å finne smittekjelda. Vi ber difor alle vera påpasselege med å følge anbefalingane om avstand og hygiene.

Kommuneoverlegen i Skjåk kan per 20. november melde om eitt (1) nytt smittetilfelle med covid-19. Personen er i heimeisolasjon. To personar er i karantene. Kommunelegen seier også at, "smitta er under kontroll, men det er mogleg at fleire kan verta sett i karantene når det kjem svar på testar som har vorte gjort".

Status smitte i Skjåk

• Kommuneoverlegen opplyser at det er per 6. november 2020 er fortsatt ein (1) i smitteisolasjon i Skjåk. Det er ingen i karantene relatert til dette smittetilfelle i Skjåk, men det er skjåkværer i karantene pga nærkontakt med smitta personar andre stader i landet. 
• Skjåk kommune har ikkje fått melding om fleire positive prøvesvar i Skjåk per i dag.
• Viruset har no ei større oppblomstring fleire stader i Norge, så vi må vere førebudde på at det kan skje i Skjåk også.

Kommuneoverlegen seier også at folk fortsatt er særs flinke til å teste seg i Skjåk.

Regjeringa kom torsdag 5. november med nye og strengare anbefalingar og reglar for å hindre spreiing av koronasmitte. Det er viktig at alle innbyggarane i Skjåk gjer seg kjend med innstrammingane, og følger dei råda som blir gitt. 

Det er eitt (1) nytt smittetilfelle på covid-19 i Skjåk som er plassert i heimeisolasjon. Personen er ikkje smitta her lokalt. 

Oppdatert informasjon kl. 21.30

Utifrå ny informasjon vart smitteoppsporinga rundt dagens nye smittetilfelle meir omfattande enn tidlegare rapportert. I tillegg til personen i heimeisolasjon er nå 7 personar sett i heimekarantene. Smitteoppsporingsarbeid rundt dagens tilfelle er nå ferdig, men dette vert vurdert løpande dersom det skulle komme inn ny informasjon.

• Det er per 15.mai ingen registrerte pasientar med Covid-19 i Skjåk. Dei to tidlegare smittetilfella er begge friskmelde. Det er ingen i sjukdomskarantene i kommunen.
• Analysekapasiteten på sjukehuslaboratoria har vorte trappa kraftig opp. Det er difor moglegheit for å ta langt fleire korona-testar. Vi får nå lov til å teste alle pasientar der det er mistanke om Covid19-sjukdom. Testinga kjem fortsatt til å bli gjennomført på legekontoret. 

Kriseleiinga vedtok også i dag at Skjåkhallen skal haldast stengt framover. Vi har ikkje kapasitet på reinhald til at den er open.

Kommuneoverlege Sondre Bøye opplyser i dag at det er per 26.06 ingen tilfelle med koronasmitte i kommuna. Alle som har meldt seg med symptom har vorte testa. Ingen av testane har vist korona-smitte.

Kommuneoverlegen opplyser at det er per 22. august 2020 er ingen tilfelle med koronasmitte i kommunen. Det har heller ikkje vore positive prøver i Skjåk etter sommaren, og at kapasiteten mtp testing er per nå god.

Kriteria for å få korona-test er endra slik at ein ved sjølv svært liten mistanke om smitte kan få gjennomført test. Ein avtalar tidspunkt for test ved å kontakte legekontoret.

Les også: Slik testar vi deg for korona i Skjåk

Grunna ei auke i talet på smittetilfelle i Noreg er det vikitg å oppretthalde fokuset på smittevern. Smittevern-nivået i skulen og barnehagen er difor sett til gult nivå og det er besøksrestriksjonar på helseinstitusjonane våre.
 

Det er i Skjåk ingen kjente tilfeller med koronasmitte og det er ingen personar i karantene. Alle med symptom på luftvegsinfeksjon får tilbod om testing. Ein avtalar time for dette ved å kontakte legekontoret.

Oppdatert informasjon 18. mars 2020 kl. 17.30

• Vi har fått spørsmål om Bismotunet, og kan meddele at det er stengt inntil vidare for dei som ikkje bur der.

Oppdatert informasjon 18. mars 2020 kl. 11.00

• Status som i går. 1 er fortsatt bekrefta smitta. Legekontoret ventar på nokre prøvesvar/testar.

• Status næringslivet: 

  Vi er i ei tid med mykje usikkerheit og det er vanskeleg å planlegge langt framover. Dette gjev store utfordringar for oss alle, også for næringslivet. 

  Næringskontoret har teke temperaturen på nokre bedrifter i Skjåk. Ei stutt oppsummering frå denne ringerunden seier at dei fleste store bedriftene held hjula godt i gang og har både nok bestillingar og arbeid ei god stund framover. Elles er det normalt ei roleg tid både for handel og service bransjen. Alle frisørar har stengt salongane sine. Daglegvarehandelen merka stor pågang torsdag, fredag og laurdag. Det har normalisert seg meir denne veka. Byggefirmaer har for det meste full aktivitet. Det er reiselivet som er hardast ramma. Her blir det meste avbestilt. Landbruket held hjula i gang og vi ser at statusen for matprodusentar har auka under denne spesielle tida. 

  Vi får håpe og tru at situasjonen roar seg og at dette ikkje blir alt for langvarig.
  Vi legg ved nokre nyttige lenkar for næringslivet.

Oppdatert informasjon 24. mars 2020 kl. 10.00

Skjåk har per 24. mars ingen tilfelle med korona-smitte.

Det har vore pressekonferanse frå Statsministeren sitt kontor i dag kl. 16.00. Ho takkar alle i Norge som følgjer råd for å hindre smittespreiing. Regjeringa opprettheld alle tiltak til over påske (13. april 2020).

Det vil mellom anna innebere:

• stenging av skule og barnehage
• at reglane om karantene og isolasjon blir oppretthalde
• innskjerping av råda om å halde avstand til andre
• Ute i det offentlige rom, bør folk ha minst ein meters avstand til andre menneske. Når ein er ute, bør ein ikkje vere meir enn fem personar saman i gruppe – med unntak av dei som er i familie eller i same husstand.
• Inne: folk bør ha minst to meters avstand til kvarandre, men det gjeld ikkje dei som er i familie eller i same husstand

Oppdatert informasjon 23. mars 2020 kl. 13.00

• Skjåk har per 23. mars ingen tilfelle med korona-smitte. Eit tilfelle er nå friskmeldt, og nokre er i karantene grunna symptom på luftvegsinfeksjon. Legekontoret ventar bl.a. på nokre prøvesvar/testar på helsepersonell i karantene.

Det ingen registrerte tilfelle med korona-smitte i Skjåk per 27. mars, men det betyr fortsatt at det kan vere innbyggjarar ute i nærmiljøet med smitte. Da er det svært viktig at alle følgjer råda frå helsemyndigheitene for å hindre at nokon vert smitta og/eller smittar andre. Dei strenge tiltaka som er sette i verk no er nettopp for å forsatt unngå smitte og forsinke smittespreiinga.

• Ny opetid for koronatelefon. Kun kvardagar frå kl.08:15-11:00 og frå 12:00-15:30

Statusen er uendra og stabil i Skjåk. Nokre få er i karantene, og det er ingen registrerte tilfelle med korona-smitte i Skjåk per 3. april. Men det kan vere innbyggjarar ute i nærmiljøet med smitte, og da er det svært viktig at alle følgjer råda frå helsemyndigheitene for å hindre at nokon vert smitta og/eller smittar andre.

Det er kommunal påskeberedskap i heile påska. Kommuna arbeider kvar einaste dag med tiltak som skal bremse koronasmitte blant innbyggjarane i Skjåk. I dag, fredag 3. april er det mange som startar påskeferien, og kommuna oppmodar fortsatt innbyggjarane om å ikkje ta imot besøk av vener og familie denne påska. Dette kan bidra til å redde liv i Skjåk. Følg med på informasjon som vert lagt ut her på heimesida eller Folkehelseinstitutets side http://www.fhi.no Om du ikkje finn svar på spørsmål om koronavirus på nettsidene, ring 81 55 50 15 eller 907 284 15
 

Statusen er uendra og stabil i Skjåk. Ingen i karantene, og det er ingen registrerte tilfelle med korona-smitte i Skjåk per 17. april. Men det kan vere innbyggjarar og andre ute i nærmiljøet med smitte, så det er fortsatt svært viktig at alle følgjer råda frå helsemyndigheitene for å hindre at nokon vert smitta og/eller smittar andre

Elles:

• Smittestopp – ny app fra Folkehelseinstituttet. Les meir om appen på Folkehelseinstituttets heimeside

Festivalar og idrettsarrangement

• Tiltaka mot koronaviruset gjer at alle festivalar og idrettsarrangement med publikum som skulle blitt arrangert før 15. juni, er avlyst. Ny vurdering for resten av sommaren seinast første veka i mai.

Fysioterapitenesta  

• opnar så smått neste veke uti frå dei nasjonale føringar og smittevern som gjeld. Fysioterapeutane tek etter kvart kontakt med brukarane sine. 

Biblioteket

• Vi opnar vi for levering av bøker og andre medium i bokkassa. Vi oppmodar flest mogleg om å levere mellom kl. 10 og 14 måndag til fredag. Da blir kassa tømt etterkvart. De kan levere på kveldstid også, men ikkje viss kassa er full. Innleverte bøker blir sette i karantene i 14 dagar før dei kan lånast ut att. Det kan difor bli litt lenger ventetid på reserverte bøker.
• Vi tek imot bestillingar i websøk, messenger, e-post eller telefon. Frå måndag 20. april kan bokpakker hentast utanfor biblioteket mellom kl. 10-14
• Per i dag veit vi ikkje kor lenge biblioteket er stengd.

Barnehagane opnar måndag!

Nå opnar barnehagane igjen - sjå film til barna her. 

• Nå opnar barnehagane igjen - sjå film til vaksne her. 

Status per tysdag 5. mai melder Skjåk legekontor om 1 nytt testsvar på koronasmitte i Skjåk. Vedkomande blei raskt fanga opp og sett i karantene. Det er ingen andre mistenkte smittetilfeller. 

Folkehelseinstituttet utvida testkriteria den 29. april, og Skjåk kommune følger desse. Så dersom ein har symptom på Covid-19 er det mogleg for alle i Skjåk å bli testa. Personar med symptom må ta kontakt med legekontoret slik at ein får vurdert av lege om det er indikasjon for testing. Det er no ynskjeleg å få testa flest mogleg om dei har symptom.

Auka testing

Legekontoret har god kapasitet for å auke testinga i tråd med sentrale retningsliner om ei målsetting om at 5% av befolkninga skal testast. 

Skyttarprøve

Prøve frå førre sesong vil vera gjeldande for inneværande sesong utan ny skyttarpørve. Fram til 15. juni er det ikkje mogleg å ta ny skyttarprøve, men truleg vil det bli  opning for å gjennomføre prøva til hausten (mest sannsynleg allereie etter 15. juni). Det betyr at det for kommande jegarar, utan tidlegare prøve, truleg vil få moglegheiter for å avlegge skyttarprøva før storviltjakta byrjar. Dei med tidlegare gjennomført prøve kan jakte som normalt. Lenke til Norsk jeger og fisk.

Nytt frå legekontoret

• Gulleik Riksaasen, kommuneoverlegen i Vågå, vil vikariere som kommuneoverlege og smittevernlege frå 15. mai til 27. juli.  
• Status per tysdag 12. mai er det fortsatt ein person med koronasmitte i Skjåk. Vedkomande er i karantene, det er ingen andre mistenkte smittetilfeller

Statusen er uendra og stabil i Skjåk. Det er ingen registrerte tilfelle med korona-smitte i Skjåk per 28. april.

På GD.no står det opplyst at det er to smittetilfeller i Skjåk, ein er friskmeldt. Dette har ført til noko uro og spekulasjonar på bygda. Kommuneoverlege Sondre Bøye kan avkrefte dette, og tilføyer at det kun har vore eit tilfelle med koronasmitte i Skjåk.

Men det kan vere innbyggjarar og andre ute i nærmiljøet med smitte, så det er fortsatt svært viktig at alle følgjer råda frå helsemyndigheitene for å hindre at nokon vert smitta og/eller smittar andre.

Melding frå skulen er at skulestart går greitt med motiverte ungar og gode rutinar både på skule og buss. Ungane er kjempeflinke til å vaske hendene og dei har og lært seg andre gode rutinar for smittevern.

Statusen er uendra og stabil i Skjåk. Ingen registrerte tilfelle med korona-smitte i Skjåk per 7. april. Like viktig å fortsatt følgje råda frå helsemyndigheitene for å hindre at nokon vert smitta og/eller smittar andre

Foto: Arvid Samland/Statsministerens kontor

Pressekonferanse

Pressekonferanse med statsminister Erna Solberg, kunnskaps- og integreringsminister Guri Melby og helse- og omsorgsminister Bent Høie om regjeringa si vidare handtering av korona-pandemien tysdag 7. april kl. 16.

Kort oppsummert vil Statsministeren takke alle som er tålmodige og lyttar til nasjonale råd. Det gjer at landet nå har kontroll på smittesituasjonen. Det vart likevel understreka at vi må halde fram med alle hygienetiltak framover og alle som får luftvegssymptom må framleis halde seg heime. Norge opnar gradvis opp att etter påske:

• Barnehagane vil opne opp 20.04.20
• 1.-4. klasse samt SFO vil opne opp 27.04.20
• Det blir utarbeidd ein bransjestandard for smittevern som alle barnehagar og skular må innrette seg etter slik at det skal vere trygt å sende barna dit.
• Psykolog, fysioterapeut, kiropraktor og liknande "ein-ein-behandling" vil opne opp 20.02.20.
• Frisør, massasje, hudpleie og liknande vil opne opp 27.04.20.
• Overnatting på fritidsbustad i anna kommune vil bli mogleg frå 20.04.20, men det blir understreka at det framleis er råd om å ikkje foreta unødvendige fritidsreiser.
• Alle kultur- og idrettsarrangement er avlyst fram til 15.06.20.
• Det blir framleis oppfordra til heimekontor for dei som kan ha det.

(Meir informasjon kjem rett over påske)

Det ingen registrerte tilfelle med korona-smitte i Skjåk per 31. mars.

Følgande melding har gått ut til alle innbyggjarar i Skjåk i dag, på SMS og epost: 

• Kommuna arbeider med tiltak som skal bremse koronasmitte av innbyggjarane i Skjåk. Fredag 3. april er det mange som startar påskeferien. Kommuna oppmodar innbyggjarane om å ikkje ta imot besøk av vener og familie denne påska. Dette kan bidra til å redde liv i Skjåk. Følg med på informasjon som vert lagt ut på http://www.skjaak.kommune.no eller http://www.fhi.no Om du ikkje finn svar på spørsmål om koronavirus på nettsidene, ring 81 55 50 15 eller 90 72 84 15

Hytteforbud

Ingen koronasjuke i Skjåk kommune per 26. mars

• Til næringslivet i Skjåk

  Det er utarbeidd mange krisepakkar for næringslivet i samband med koronautbrotet. Lenkar til desse finn du under menypunktet KORONAVIRUS og "For Næringslivet". Vi ønskjer også innspel frå næringslivet knytt til koronautbrotet. Gå inn på lenken og kom med di tilbakemelding.

Oppdatert informasjon 20. mars 2020 kl. 16.00

Status som i går: Skjåk har per 20. mars eit (1) bekrefta tilfelle med korona-smitte. Fleire personar er i karantene grunna symptom på luftvegsinfeksjon og nokre få personar har vorte testa dei siste dagane. Det er dessverre varierande kor raskt ein får testsvara, men personane det gjeld vert informert så raskt som råd. Koronatelefon er ope i helga. Laurdag og sundag frå kl. 10-14.

• Barneverntenesta i Lesja, Dovre, Sel, Vågå, Lom og Skjåk kan kontaktes døgnet rundt på 908 54 475.

• Regjeringa innførar "hytteforbud" .

Melding frå Fylkesmannen i Innlandet i dag: 

Servering:

• Alle serveringssteder oppfordres til å stenge, med unntak av take-away

Butikker må:

• Gi tydelig og god hygieneinformasjon til kunder ved inngangen

• Ha håndsprit- dispenser/antibac ved inngang

• Sikre god hygiene i butikken (håndtak på dører, handlevogner etc.)

• Sikre tilfredsstillende avstand mellom kunder (og personale) og sette maksimumstall på antall kunder i butikken

• Vi oppfordrer kjøpesentre til å innrette arealer og begrense antall kunder slik at kundene holder god avstand og flyt, og at det ikke oppstår klynger på innvendige eller utvendige arealer

Sjå heile lista her frå Fylkesmannen (PDF, 94 kB)

Oppdatert informasjon 19. mars 2020 kl. 16.00

Skjåk har per 19. mars eit bekrefta tilfelle med korona-smitte. Fleire personar er i karantene grunna symptom på luftvegsinfeksjon og nokre få personar har vorte testa dei siste dagane. Det er dessverre varierande kor raskt ein får testsvara, men personane det gjeld vert informert så raskt som råd.

Det er eitt (1) nytt smittetilfelle på covid-19 i Skjåk som er plassert i isolasjon. Det er fire andre nærkontakter som er plassert i karantene. Det er per 16. oktober ikkje mistanke om mogleg smitte utanfor dei fem personane. 

Status smitte i Skjåk pr. 02.09.20

• Kommuneoverlegen opplyser at det er per 2. september 2020 er ingen tilfelle med koronasmitte i kommunen, og ingen er i karantene. Ei skuleklasse var i karantene fredag 28/8 p.g.a forkjøling, og 20 av elevane vart testa for corona, ingen av dei testa positivt.
• Viruset har hatt ei oppblomstring fleire stader i Norge, så vi må vere førebudde på at det kan skje i Skjåk også.

Kommuneoverlegen seier at folk er særs flinke til å teste seg i Skjåk.

Kommuneoverlegen opplyser i dag at det er per 10.07 er ingen tilfelle med koronasmitte i kommuna. Alle som har meldt seg med symptom blir og har vorte testa. Ingen av testane har vist korona-smitte så langt. Fortsatt god testkapasitet. Alle som ringjer til legekontoret, vil også få tilbod om testing. Det har dei siste dagane teke litt tid før testsvaret har kome attende til legekontoret.

Det vil dessverre vere noko ventetid for å få time hjå fastlegen nå i sommar.
 

• Ingen bekrefta koronasjuke i Skjåk kommune. Ingen nye smittetilfelle, har testa nokre få, det er ikkje stor pågang. Skjåk legekontor har god kapasitet.
• Utandørs kommunale idrettsanlegg er ope for bruk/leige. (NB: Det er ikkje opne garderobar).
• Per i dag kan det søkjast om å bruke idrettshallen. (NB: Det er ikkje opne garderobar).
  • Det er pressekonferanse 15. juni. Her kjem det nye føringar.
• Ved bruk av idrettsanlegg må klubb/lag/foreningar fortsatt forhalde seg til nasjonal smittevernveiledar.

Smittevernveiledar for idrett

Informasjon frå NAV

• Status frå NAV Lom og Skjåk om  ledigheit i Skjåk som resultat av Korona pandemi juni 2020

  Heilt ledige: 36 stk. Dette er 3,1 % av arbeidsstyrka, på det meste var 8,3 % arbeidsstyrka heilt ledig. 

  Delvis ledige: 36 stk. Dette er 3,1 % av arbeidsstyrka. På det meste var 4.2 % arbeidsstyrka delvis ledig. 

  Lønnskompensasjonsordninga for permitterte arbeidssøkjarar er no på plass på nav.no, og det er arbeidsgjevaren som skal registrere inn løn for dei permitterte som fører til utbetaling frå NAV. Sjå nav.no for meir informasjon. 
   

Oppdatert informasjon 17. mars 2020 kl. 16.15

• 1 er fortsatt bekrefta smitta. Legekontoret ventar på nokre prøvesvar/testar.

Oppdatert informasjon 16. mars 2020 kl. 16.30

• 1 er fortsatt bekrefta smitta, men 3 er mistenkt for smitte. Fortsatt nokre i karantene etter blant anna reise i utlandet, studentar som er attende i Skjåk, og nokre få med arbeidsrestriksjonar pga forkjølelse og sjukdom.

• For å forhindre eventuelle spreiing av smitte ber kommunen fortsatt om at studentar ved universiteter og høgskuler som kjem attende til Skjåk er 14 dagar i karantene etter heimkomst. Vi ber dei dette gjeld, om å ta kontakt på kommunen sin korona-telefon, 907 28 415.

Oppdatert informasjon 15. mars 2020 kl. 15.00

• For å forhindre eventuelle spreiing av smitte ber kommunen om at studentar ved universiteter og høgskuler som kjem attende til Skjåk er 14 dagar i karantene etter heimkomst.

  Ein ber også om at andre personar med opphald utanfor Skjåk vert vurdert med tanke på karantene. Vi ber dei dette gjeld, samt alle studentar som kjem attende til Skjåk, om å ta kontakt på kommunen sin korona-telefon, 907 28 415. 

Oppdatert informasjon 14. mars 2020 kl. 15.00

• Status frå Skjåk i dag: uendra situasjon, og det er meldt inn at nokre er ferdig med karantene i morgon.

Oppdatert informasjon 13. mars 2020 kl. 16.00

• Legekontoret i Skjåk melder om god kontroll. 1 er bekrefta smitta, fortsatt nokre få i karantene og nokre få med arbeidsrestriksjonar. Av folk som har blitt testa er det kun negative prøvesvar og legekontoret jobbar kontinuerleg med å få ut informasjon til dei det gjeld. Altså ingen fleire smitta per 13. mars. kl 08.30
• Folkehelseinstittutet har oppdatert rådet for personar som bur i same husstand som personar som er i karantene. I følgje det nye rådet blir også husstandsmedlemane i heimekarantene.
• Hugs: Koronatelefonen i Skjåk gjeld kun praktiske spørsmål om COVID- 19/koronavirus og smitteverntiltak. 
• Kommunehuset er ope, men er ingen sosial samlingsplass. 
• Viktig: unngå å hamstre mat, ver solidariske, det er og blir nok mat til alle. Butikkane får forsyningar som normalt. Butikkane er heller ingen sosial samlingsplass. Hold god avstand til andre. Vi ber alle følgje retningslinene til Helsedirektoratet og Folkehelseinstittutet. 
• Skjåk Tannklinikk er stengt. For meir info: Telefon 61 21 40 14. 

Ny opetid for koronatelefon:

• Fredag 13.mars : 08:00 -10:00 og frå 12:00- 16:30
• Laurdag 14 mars og sundag 15. mars: 10:00 – 14.00
• Neste veke:  08:00 -10:00 og frå 12:00- 16:30

Oppdatert informasjon 12. mars 2020 kl. 17.00 

Regjeringa har i dag sett i verk drastiske tiltak i håp om å stanse viruset. Det vil krevje ein stor innsats av alle innbyggjarane i Noreg, og vi oppmodar kvar enkelt om å respektere og følgje dei retningslinene som er sett i verk. Det er god kontroll på situasjonen i Skjåk, og vi har tru på at dei nye tiltaka skal gjere oss i stand til å handtere situasjonen framover. Heimesidene og FB blir fortløpande oppdaterte.

Alle som kjem frå reiser etter 27. februar i land utanfor Norden skal i karantene i 14 dagar etter at dei kom heim.
Staten har lagt ned utreiseforbod til utlandet for helsepersonell (dei vil få refundert sine utgifter). Forbodet gjeld ut april månad
Detalj- og varehandel blir halde ope, så det er ingen grunn til å hamstre mat.

Skjåk kommune følgjer retningslinene til den norske regjering, Helsedirektoratet, og Fylkesmannen i Innlandet. Sjå tiltak i Skjåk som gjeld frå med no, og til og med 26. mars. Tiltak blir sett i verk no for at vi skal kunne ivareta vitale samfunnskritiske funksjonar *(sjå liste under).

• Alle barnehagar og skule i Skjåk stenger frå og med i dag kl. 18.00.
• Elevar og barnehageborn som har særskild omsorgsbehov, vil det vera eit tilbod til, på skulen gjeld dette elevar på spes.ped. avdelinga. Kontakt leiar/styrar i skule og barnehage.
• Barnehageborn og skuleelevar med båe foreldre i samfunnskritiske funksjonar *, vil få eit omsorgstilbod etter avtale med sin barnehage og skule. Avtal dette med styrar/leiar.
• Alle som treng å hente ting i skule og barnehage kan hente dette i morgon.

For skule, kontakt: 
-    Trude Teigen 907 58457

For barnehage, kontakt:
-    Holemork barnehage: Eli Skjelkvåle 975 04 785
-    Dønfoss barnehage: Heidi Jevnheim 901 93 957
-    Bismo barnehage: Mogunn Synstnes 482 92 406
-    
*Samfunnskritiske funksjonar for Skjåk
•    Kriseleiing
•    Helse og Omsorg
•    Transportfunksjoner
•    Redningstjeneste (Ambulanse)
•    Forsyningsikkerheit (matbutikk, drivstoff)
•    Lov og orden
•    IKT og nett
•    Vatn og avløp
•    Finansielle funksjonar/tenester
•    Kraftforsyning
 

Oppdatert informasjon 12. mars 2020 kl. 08.30

Det blei sett stab i Skjåk kommune 12. mars.
Status per 12. mars er det påvist 1 smittetilfelle i Skjåk, men vedkomande blei raskt fanga opp og sett i karantene. 13 personar sit i heimekarantene og nokre få har arbeidsrestriksjonar, men dette kan auke i løpet av dagen.

Kriseleiinga blei samde om følgjande tiltak for alle i Skjåk kommune:

• Elevane på Skjåk barne- og ungdomsskule: Ungdomssteget, 8.-10. klasse, skal frå og med fredag bli organisert med heimeundervisning via nettet. Småskulesteget og mellomsteget, 1.-7. klasse blir fordelt så langt det let seg gjere i skulebygget slik at det blir god avstand mellom elevane.
• Skulebussen går som normalt, men oppmoder dei som har mulegheit til å køyre barna sjølve om å gjere det.
• Lom og Skjåk kulturskule blir stengt frå og med torsdag 12.mars.
• Skjåkhallen blir stengt for all aktivitet frå og med torsdag 12.mars.
• Kantina på kommunehuset blir stengt frå og med torsdag 12.mars.
• Fysioterapi stenger tenesta frå i morgon fredag 13. mars.
• Servicetorget blir stengt for direkte kontakt frå og med torsdag 12. mars , men telefon blir betjent.
• Kantina på skulen blir stengt frå i morgon fredag 13. mars.
• Besøksforbod på Skjåkheimen oppretthaldast og skjerpast inn.
• Spisesalen på Skjåkheimen skal stengast for alle som ikkje bur på Skjåkheimen. Det blir servert mat i omsorgsbustadene og det vil bli organisert matombringing frå neste veke
• Det blir oppretta ein beredskapsbank med helsepersonell som kan utkallast på kort tid.
• Tannlegekontoret er stengt frå kl. 12.00 i dag , dette er bestemt av Fylkestannlegen.
• Det er kontakt med matvarebutikkar i Skjåk for å organisere "fjernhandel" for personar i karantene. Røde kors stiller om det blir nødvendig med utkøyring.
• Tildelingskontoret er stengt frå og med i dag. Er tilgjengeleg på telefon

Oppdatert informasjon 11. mars 2020

• Per 11. mars er det ingen bekrefta smittetilfelle med korona-virus i Skjåk. 17 personar sit i heimekarantene og nokre få har arbeidsrestriksjonar. Fleire personar har i dag fått oppheva arbeidsrestriksjonar etter at virus-prøver ikkje viste teikn til korona-virus. 

• I samband med smittevernstiltak sett i verk i kommunen, skal alle med symptom på forkjøling halda seg heime. Dette for å halde "normal" forkjøling utanom smittevernarbeidet. Vanlege symptom på forkjøling er sår hals, rennande nase, hoste, nysing og noko feber.

• Smittevernoverlege har i samråd med kommunedirektøren og leiargruppa i Skjåk kommune fastsett at biblioteket og NAV-kontoret skal stengast for besøkande inntil vidare. 
  Du kan få kontakt med NAV på tlf 5555 3333 eller på nav.no. Ved nødhjelp, ring NAV-leiar Ketil Størseth på 957 76 302. Dette kjem i tillegg til at Friviljug-sentralen er stengt og at Skjåkhallen, svømmehallen og treningssenteret berre er ope for skuleaktivitetar.  Skjåk kommune utsett  alle møte som ikkje er strengt nødvendige. Arrangement/møte kan gjennomførast dersom deltakane kan ha meir enn 1 meter avstand til kvarandre. I tillegg er det sjølvsagt viktig at vanlege hygienetiltak vert følgt.

  Kommunen tilrår alle sine tilsette å unngå utanlandsreiser og at bruk av offentleg transport vert avgrensa så godt det let seg gjera.

• Biblioteket er stengt for besøk inntil vidare. Dette er eit tiltak for å hindre spreiing av koronasmitte. Vi tek ikkje imot innlevering av bøker eller andre lån i denne perioden. Lånetida blir utvida, og vi sender ikkje ut purringar. Det går an å bestille bøker eller andre medium i biblioteket sitt websøk, på telefon eller e-post. Vi låner ut og ordnar bokpakker som kan hentast utanfor biblioteket mellom 10.00 og 14.00 måndag til fredag. Vi avlyser alle planlagde arrangement i denne perioden. Vi vil med dette bidra til å redusere omfanget av koronautbrotet. Vi håpar de ser med velvilje på tiltaka. Kontaktinformasjon: Skjåk folkebibliotek.