Ny avtale om skogbrukssjef

Lom og Skjåk kommunar har gjennom mange år hatt felles skogbrukssjef med Vågå kommune. 1. mars 2022 gjekk Lom og Skjåk ut av denne avtala, og over til ei ny felles løysing for skogbrukssjefsressurs som ein del av vertskommuneavtala for Lom og Skjåk landbrukskontor. Fram til ny skogbrukssjef blir tilsett ved landbrukskontoret så vil Kari Hånsnar fungere i stillinga. 

Tilskot til tiltak i skogbruket

Det blir gjeve tilskott til skogbrukstiltak frå staten (NMSK) og kommunen, for å stimulere til auka verdiskaping i skogbruket. Føremålet med tilskot til nærings- og miljøtiltak i skogbruket er at det ut frå regionale og lokale prioriteringar blir stimulert til auka verdiskaping i skogbruket, samtidig som miljøverdiar knytt til biologisk mangfald, landskap, friluftsliv og kulturminne blir tatt vare på og vidareutvikla. Ta kontakt om du har planar om skogsdrift, planting, ungskogpleie eller tiltak knytt til skogsvegar.