Karusell idrett Kulturskulen har søkt barne-, ungdoms- og familiedirektoratet (bufdir) om økonomisk støtte til å opprette karusell kunst og karusell idrett som gratistilbod i SFO tida på barneskulane både i Lom og Skjåk. Svar på denne søknaden kjem i løpet av mai. Dersom vi får ekstra midlar vil karusellgruppene bli starta i begge kommunane ved skulestart i august. Dersom vi ikkje får desse midlane vil karusell kunst og –idrett halde fram som vanleg i Skjåk (elevane betaler ein eigenandel for tilbodet), medan det i Lom da ikkje er økonomiske midlar til å starte dette tilbodet. Ber alle som ynskjer å søkje på karusell i begge kommunane gjere dette innan fristen 1. mai. Informasjon om endeleg organisering vil bli gjeve ved inntak i juni. Undervisninga blir på Skjåk barne- og ungdomsskule og Loar skule i SFO tid. Karusell kunst og idrett vil gå på ulike dagar i SFO tida. Elevar kan såleis vera med på begge tilboda. Karusell idrett er eit gruppebasert tilbod for barn 1. – 4. klasse. I dette tilbodet ligg fysisk aktivitet og elevane vil få utfalde seg innanfor fire basisområde; ballaktivitetar, basisaktivitetar, vinteraktivitetar samt friluftsliv og uteaktivitetar. Elevar som går på tilbodet over fleire år vil med auka kompetanse, kunnskap og erfaring gradvis få større utfordringar og oppgåver i gruppa. Eventuell oppstart av karusell idrett i Lom vil vera i tett samarbeid med idrettskulen. Søk deg inn på karusell idrett her: Påmelding KARUSELL IDRETT Sist endret21.03.2019 11.29