Solfestival i Skjåk - program

Vi ynskjer sola velkomen attende til Skjåk med ein lågterskel kulturfestival for alle den 4.-9. mars!

Solfestival i Skjåk

Det er eit rikt kulturliv i Skjåk med mange aktive lag og foreiningar. Desse har både faste samlingar gjennom året og enkeltarrangement. Vi som jobbar på biblioteket og med kultur i Skjåk kommune, ynskjer å lage ein lågterskel kulturfestival for både barn, ungdom og vaksne. Dette er tidfesta til 4.–9. mars. Da har sola kome attende på dei fleste plassane i Skjåk!

Vi ynskjer sola velkomen attende og samlar ulike delarrangement i ein kulturfestival, der vi syner fram noko av alt det vi held på med i Skjåk.

Kanskje kan dette bli ein årleg tradisjon?

Program for Solfestival

Gå inn på lenka og les: «Meir om SOLfestivalen»

Her finn du meir informasjon om Frøbiblioteket, filmen SAU, boklansering av krimbok, foredrag med Oskar Puschmann, foredrag med verdsmeisteren Gabriella Mathisen og ei genserutstilling.

Måndag 4. mars

Måndag 4. mars
Kl	Kva	Kor	Arrangør
10.00	Opning av frøbiblioteket. Solsikke-konkurranse	Skjåk folkebibliotek	Skjåk folkebibliotek
10.00	Opning av SOLutstillinga som er laga av elevar og barnehageungar	Skjåk folkebibliotek	Skjåk folkebibliotek
18.00	Kom og spel sjakk	Friviljugsentralen	Skjåk Sjakk
18.00	Luftpistolskyting for ungdom. (Er du under 18 år må du ha med ein føresett)	Industrivegen 60	Skjåk Pistolklubb
18.30	Spinning	Industrivegen 60	Skjåk IL
19.00	Mat og prat før Bygdekinoen syner filmen SAU. Skjåk Mat lanserer ei ny grillpølse.	Marlo grendehus	Bygdekinoen og Landbrukskontoret i Lom og Skjåk
20.00	Filmen Sau	Marlo Grendehus	Bygdekinoen

Skuleelevane og førskuleungane har SOLverkstad denne dagen

Tysdag 5. mars

Tysdag 5. mars
Kl	Kva	Kor	Arrangør
11. 00	Kjerringtreff i Husflidslaget. Ta med handarbeid og kom!	Skjåkvegen 1581	Husflidslaget
14.00	Badminton for alle	Skjåkhallen	Skjåk IL
15.00-17.00	Møt Edel Ordførar. Her kan du ta opp ting som engasjerer deg.	Skjåk folkebibliotek	Ordføraren
18.00-19.00	«Les i lag - einsleg på ein tysdag»	Skjåk folkebibliotek	Skjåk folkebibliotek
18.00-20.00	Skyting på jaktsimulator	Industrivegen 60	Skjåk jeger og fisk
20.00-21.00	Old Boys fotball/handball	Skjåkhallen	Skjåk IL

Onsdag 6. mars

Onsdag 6. mars
Kl	Kva	Kor	Arrangør
10.00	Gul Frukost. Inngang kr 75	Friviljugsentralen	Friviljugsentralen
10.30	SOLtur (LHL-tur). Oppmøte på Skeimoplassen. Vi et nista vår i kantina på kommunehuset etter turen. Kommunen spanderer kaffi	Oppmøte på Skeimoplassen	LHL
17.00-17.50	Barnetrimmen for ungar i barnehagealder	Skjåkhallen	Skjåk IL
18.00-21.00	Husflidskafé med utstilling av 50 genserar som Torunn Bruheim Haugen har teikna mønster til og strikka	Husflidslaget sine lokale. (Gamle Nordberg S-lag). Skjåkvegen 1579	Skjåk Husflidslag
19.00	Magnhild Bruheim lanserer den nye krimboka «Stjernefallet». Gul servering: SOLo og SOLbollar	Skjåk folkebibliotek	Skjåk folkebibliotek

Torsdag 7. mars

Torsdag 7. mars
Kl	Kva	Kor	Arrangør
11.00	SOLfest i skulegarden med naturstig, leik og aktivitetar. Festen er open for alle.	Skulegarden	Skjåk barne- og ungdomskule
19.00	Innebandy for alle	Skjåkhallen	Skjåk IL
19.00	Dametrimmen	Industrivegen 60	Skjåk IL
19.30	Fotograf Oskar Puschmann syner fram landskapsendringar og resultat frå etnologisk undersøking i Skjåk med like bilde frå for 50 år sidan og nå.	Kantina på skulen	Landbrukskontoret Lom og Skjåk
20.00	Danseøving i gamaldans	Dønfoss grendehus	Skjåk spel- og dansarlag

Fredag 8. mars

Fredag 8. mars
Kl	Kva	Gratis!	Arrangør
11.00	Solfest på Skjåkheimen for bebuarar saman med 3. klassingane	Skjåkheimen	Skjåkheimen
12.00	Markering av kvinnedagen med filmframsyninga - Milk County - Servering: SOLo, appelsin og snacks	Skjåk folkebibliotek	Skjåk folkebibliotek
18.00	Foredrag med Gabriella Mathisen, ultraløper og tidlegare prostituert og rusbrukar. Servering: Lademjølk og mørlefse.	Marlo Grendehus	Nordigard Ramstad og MOT

Laurdag 9. mars SOLfest

Laurdag 9. mars SOLfest
Kl	Kva	Kor	Arrangør
10.00-11.30	Badminton for alle	Skjåkhallen	Skjåk IL
12.00	SOLfest familiedag	Gamleheimstrædet	Komiteen
12.00	Kurs i POLS	Kantina på skulen	Skjåk spel- og dansarlag

Program Solfest, laurdag 9. mars i Gamleheimstrædet frå kl. 12.00 - 14.00

Antrekk: noko gult (om du vil)
Aking, ta med eigen doning
SOL på små og store fjes - ansiktsmaling v/Skjåk Turlag
Kul SOLløype v/Skjåk Turlag
Spikking for store og små v/Skjåk Husflidslag
Bålkokking med Arne Brimi
Smak av den nye, gode Gudbrandsdalsosten Anno 1863
Underhaldning
Markering for folk med SOL i namnet sitt

Vi har varm grill - ta med grillmat om du vil.

Vi tek atterhald om endringar i programmet og snømengda i Gamleheimstrædet. Programmet blir oppdatert her på nettsidene til Skjåk kommune.

Kontaktinformasjon

Marianne Stensgård: marianne.stensgard@skjaak.kommune.no
Sigrun Eide: sigrun.eide@skjaak.kommune.no

Fleire gode tips og tilbod

Skeid Kro melder at dei har tilbod på kaffi, SOLbollar og SOLis denne veka
Akantus Blomster melder at dei har “SOLstikk” denne veka med mange gode tilbod. Fylg med på facebooksida deira.
Sysselsetting Lom og Skjåk melder at dei har laga dyrkepinnar av bambus med tekst som t.d. agurk, tomat, chili m.m. for sal
Skjåk Kjøpesenter pyntar med SOLer og har fleire fine tilbod
Godbiten Café på Skjåk Kjøpesenter melder at dei har tilbod på SOLbollar og kaffi denne veka
Skjåk Mat lanserer ei ny grillpølse denne veka

Sist endret 12.03.2024 10.22