Søke, svare eller endre barnehageplass

Både søknad og all administrasjon av barnehageplassen skal skje i Foresattportalen.

Lenke til Foresattportalen

Opptaksreglar

• Barn med nedsett funksjonsevne har rett til prioritet i barnehage. Det skal gjerast ei sakkunnig vurdering for å vurdere om barnet har nedsett funksjonsevne. Barn som det er fatta vedtak om etter barnevernslova § 5-1 fyrste ledd bokstav a til d, § 3-1 og § 3-4 fyste ledd bokstav b, har rett til prioritet ved opptak i barnehage. Desse bestemmingane fylgjer Lov om barnehagar § 18.
• Barn som fyller eitt år seinast innan utgangen av august det året det blir søkt om barehageplass, har etter søknad rett til å få plass i barnehage frå august i samsvar med Lov om barnehagar og forskrifter. Barn som fyller eitt år i september, oktober eller november det året det blir søkt om barnehageplass, har etter søknad rett ti å få plass innan utgangen av den månaden barnet fyller eitt år i samsvar med Lov om barnehagar og forskrifter. Desse bestemmingane fylgjer Lov om barnehagar § 16.

Ved tildeling av ledige plassar mellom barnehagane vil det bli prioritert slik:

1. 5-åringar.
2. Sysken får plass i same barnehage.
3. Barn til foreldre med rett til introduksjonsordning, grunnskuleopplæring e.l.
4. Etter alder.

• Eit barn som har fått plass i barnehagen, har plassen til vedkomande skal ta til på skulen.
• Kommunen kan ta inn søkjarar frå andre kommunar dersom det er ledige plassar etter hovudopptak, men da berre for eit barnehageår om gongen.

Gå til menypunkt for vedtekter her

Søke plass

• Søknadsskjemaet om barnehageplass er elektronisk. Det er same søknadsprosess for kommunale og private barnehagar.  
• Du må prioritere kva barnehage du ønsker at barnet ditt skal gå i – sjå oversikt over barnehagane i Skjåk.
• Ein kan søke barnehageplass gjennom heile året. Ledige plassar blir lyst ut i februar med søknadsfrist i løpet av mars.

Søk barnehageplass

Byte, endre eller seie opp barnehageplass

• Foreldre kan seie opp plassen når dei måtte ynskje det. 
• Oppseiingstida er ein månad rekna frå den fyrste i månaden, og oppseiinga skal leverast skriftleg. 
• Barnehageplassen må betalast ut oppseiingstida. 
• Reglane for oppseiing gjeld også frå foreldra har takka ja til plassen og til plassen blir teke i bruk.

All administrasjon av barnehageplass skal gjerast i Foresattportalen, same stad som du søkte om plass.

Lenke til Foresattportalen

Det er mogleg å klage på alle vedtak som er gjort etter desse vedtektene jamfør Forvaltningslova §28. Klaga må vere skriftleg og må sendast innan tre veker frå vedtaket er gjort. Formannskapet er klageinstans.

Send klage til post@skjaak.kommune.no