Flyktningetenesta i Skjåk

Flyktningtenesta har eit heilskapleg ansvar for oppfølging og integrering av flyktningar i kommunen.

• Har kontakt med IMDi (Integrerings- og mangfaldsdirektoratet).
• Følgjer tolkelova og nyttar kvalifiserte tolkar i samtalar med nybusette flyktningar.

Kvar flyktning får ein eigen kontaktperson (flyktningkonsulent) frå den dagen dei blir busett i Skjåk.

Flyktningkonsulenten:

• finn og møblerer bustad.
• har kontakt med mottaket og tek imot flyktningane ved ankomst.
• samarbeider med NAV, barnehage, skule og læringssenter/vaksenopplæring.
• sørgjer for kontakt med helsetenester og tannklinikk.
• bistår med rettleiing og hjelp til å forstå dokument, fylle ut skjema og søknader.
• svarar på spørsmål om livet i Noreg og viser vidare til rette instansar.

Flyktningekonsulenten samarbeider tett med vaksenopplæringa slik at vaksne flyktningar kan starte i introduksjonsprogrammet. Dette er eit individuelt kvalifiseringsprogram som skal gjere deltakarane klare for arbeid eller utdanning.

• Alle busette flyktningar mellom 18 og 55 år har rett til å delta.
• Deltakarane får introduksjonsstønad under programmet.

Flyktningtenesta samarbeider med arbeidsgjevarar for å gi busette flyktningar moglegheit til arbeid eller praksisplass.

Dette skjer etter kartlegging av den enkelte si:

• utdanning
• erfaring
• kompetanse