Om Lom og Skjåk helsestasjon

Lom og Skjåk helsestasjon vart ei interkommunal teneste 1. januar 2023, med Skjåk kommune som vertskommune. Tenesta har kontor både i Lom og Skjåk, og tilbodet er likt i dei to kommunane. Du kan sjølv velje kvar du ønskjer oppfølging.

Helsestasjons- og skulehelsetenesta gir informasjon, råd og rettleiing til barn, ungdom, føresette og gravide. Tenesta kan også gi rettleiing til andre innbyggjarar i kommunane.

Tenesta er gratis for alle frå 0 til 20 år og er eit lågterskeltilbod. Målet er å fremje god helse, førebyggje sjukdom og bidra til trygg oppvekst og utvikling.

Tenesta arbeider også med miljøretta helsevern, smittevern og reisevaksinering.