Legekontor

Det er 4 legar ved Skjåk legekontor, og LIS1 lege (turnuslege).

Vi oppmodar til å bestille time på Helsenorge.no eller ved å ringje 61 21 71 00

Dersom du ønskjer at legen skal ringje deg tilbake etter kontakt med legekontoret, må du betale for dette. Det blir rekna som ein telefonkonsultasjon.

Eigendel for legekonsultasjon skal betalast på betalingsterminal ute på venterommet.

Dersom eigendel ikkje blir betalt på betalingsterminal, vil det automatisk bli sendt ut ein giro. Fakturagebyr vil då komma i tillegg.

Ver oppmerksam på at sjølv om du har frikort eller anna fritak frå eigendel for behandling, skal du likevel betale for tenester som ikkje blir dekt av Helfo. Dette kan vere bruk av utstyr og materiell, eller kjøp av materiell og attestar m.m.

Spørsmål om faktura må rettast til legekontoret på dagtid.

Ved akutt sjukdom får du time same dag. Dette blir vurdert av den som svarer på telefonen. 

Det er viktig at du gir god og presis informasjon, slik at vi kan prioritere rett.

Legekontoret har to helsesekretærar som svarer på telefonar og hjelper med timebestilling og andre spørsmål.

 Dei har også ansvar for prøvetaking på laboratoriet.

Sjukepleiarar er tilgjengelege på legekontoret frå måndag til fredag. Dei utfører mellom anna urin- og blodprøver, øyreskylling, høyrselstest, fjerning av sting, injeksjonar og sårstell.

Fornying av resepter oppfordrar vi til å gjere på Helsenorge. 

Gå til Helsenorge.no

Har du spørsmål til legen, kan du bruke e-konsultasjon på Helsenorge.no. Legen har opptil fem arbeidsdagar på å svare, men ofte går det kortare tid. På same måte som ved andre konsultasjonar må du betale eigendel for tenesta.

Dersom du har teke blodprøver, følgjer legen opp prøvesvara. Ved avvik vil legen ta kontakt med deg. 

Du kan også sende førespurnad via Helsenorge.no.

Helsestasjonen tilbyr reisevaksinar og influensavaksine etter avtale.