Undervisningstilbod og undervisningsstader

Om faget

I gitar- og bassundervisninga kan du velje mellom:

• Akustisk gitar
• El-gitar
• El-bass
• Kontrabass

Læringa skjer både med og utan notar, og du får prøve deg på akkompagnementspel og solospel i mange ulike sjangrar – som rock, pop, blues, gammaldans, folkemusikk, klassisk og jazz.

Samspel og band er ein viktig del av undervisninga, og vi legg vekt på å skape eit inkluderande miljø der elevane lærer av og med kvarandre.

Opplæring på gitar og bass

Tilbodet passar for deg som ønskjer å lære å spele eit instrument, og som er motivert til å øve jamt. Å meistre eit instrument tek tid – men gleda ved å merke framgang er stor!

Du kan få undervisning både individuelt og i grupper eller band.
I nokre tilfelle blir undervisninga organisert som gruppeundervisning i staden for individuelle timar, men med same elevbetaling.

God utvikling krev eit tett samarbeid mellom elev, føresette og lærar – særleg når det gjeld øving heime, framdrift og motivasjon.

Lokal læreplan for gitar og bass (PDF, 147 kB)

Om faget

Undervisninga er i hovudsak notebasert, men du får òg opplæring i besifring og gehørspel.
Gjennom året blir du kjent med fleire stilartar, som klassisk musikk, folketonar og samtidsnære sjangrar.

Musikkteori er ein naturleg del av opplæringa, og du får lære å forstå og bruke det du spelar på ein musikalsk måte.

Undervisningsform

Dei fleste får individuell undervisning, men vi legg òg til rette for gruppetimar og ulike samspelsaktivitetar.
Du får prøve firhendig pianospel og – når det let seg gjennomføre – samspel med elevar på andre instrument.

Undervisning blir for tida gjeve i Lom

Øving og samarbeid

For å oppleve god framgang treng du å øve jamt heime.
Eit godt samarbeid mellom heim og kulturskule er viktig for å støtte eleven i motivasjon, eigenøving og gode arbeidsvanar.

Lokal læreplan for piano (PDF, 425 kB)

Om faget

Undervisninga omfattar trommesett og anna perkusjonsutstyr, og du lærer å spele både etter gehør og etter notar.
Du får opplæring i fleire spelestilar og sjangrar, og samspel er ein naturleg og viktig del av læringa.

Hos oss får du høve til å delta i band og samspelsgrupper, og oppleve korleis rytme, energi og samarbeid skaper musikkglede!

Opplæring på slagverk

Tilbodet passar for deg som ønskjer å lære å spele trommer og perkusjon, og som er villig til å leggje ned tid og innsats.
Å utvikle seg som musikar krev både motivasjon og øving heime – men gleda ved å merke framgang er stor!

Undervisninga kan vere individuell eller i gruppe/band.
I nokre tilfelle blir det organisert som gruppeundervisning i staden for individuelle timar, men med same elevbetaling.

Eit godt samarbeid mellom heim og kulturskule er viktig for å støtte eleven si musikalske utvikling og framdrift.

Undervisning blir gjeve både i Lom og Skjåk

Lokal læreplan for slagverk (PDF, 146 kB) (PDF, 146 kB)

Om faget

Undervisninga har hovudfokus på folkemusikk og gammaldans, men du får òg prøve deg på andre sjangrar og stilartar.
Det blir gjeve individuell opplæring, men samspel er ein naturleg og viktig del av undervisninga.

Opplæring på trekkspel og torader

Tilbodet er ope for alle som ønskjer å lære desse flotte instrumenta – anten du er heilt ny, eller har spela litt frå før.
Å lære å meistre trekkspel eller torader krev tid, motivasjon og jamn øving heime, men gjev mykje musikalsk glede attende.

Elevane får undervisning både individuelt og i samspelsgrupper eller band.
I nokre tilfelle kan undervisninga bli organisert som gruppeundervisning i staden for individualtimar, men med same elevbetaling.

Eit godt samarbeid mellom heim og kulturskule er viktig for å støtte eleven si utvikling, motivasjon og framdrift.

Undervisning blir gjeve både i Lom og Skjåk

Lokal læreplan for trekkspel (PDF, 95 kB)

Lokal læreplan for torader (PDF, 96 kB)

Om faget

Undervisninga er i hovudsak basert på spel etter gehør, men du får òg lære å spele etter notar.
Opplæringa tek utgangspunkt i folkemusikken, men du får òg prøve deg på andre spelestilar og sjangrar.

Vi brukar feler i ulike storleikar, slik at instrumentet passar best mogleg til kvar elev.
Samspel er ein viktig del av undervisninga – både for musikalsk utvikling og for spelglede.

Opplæring på fele

Tilbodet er ope for alle som ønskjer å lære å spele fele – anten du er heilt ny eller har spelt litt før.
Å lære eit instrument krev tid, tålmod, motivasjon og jamn øving heime, men gjev mykje att i meistring og glede.

Undervisninga kan vere individuell eller i grupper/band, avhengig av nivå og behov.
I nokre tilfelle blir timane organisert som gruppeundervisning i staden for individualtimar, men med same elevbetaling.

For at elevane skal utvikle seg godt, er det viktig med eit tett samarbeid mellom heim og kulturskule når det gjeld motivasjon, øving og framdrift.

Lokal læreplan for fele (PDF, 137 kB)

Om faget

Dans handlar om bevegelse, rytme og uttrykk – og ikkje minst om danseglede!

Kulturskulen har tre dansetilbod:

Dans 1 – for barn 1.–3. klasse

• Her får elevane utfalde seg i kreativ barnedans, leike med rytme og utforske dansen på ein naturleg og leikbasert måte. Dei får òg smake litt på grunnleggande teknikk.

Dans 2 – for barn 4.–6. klasse

• Opplæring i jazzballett og kreativ dans, med fokus på teknikktrening, koreografi og danseglede.

Dans 3 – for ungdom frå 7. klasse til vidaregåande

• Også her er det jazzballett og kreativ dans som står i sentrum, med vekt på teknikk, koreografi og scenisk uttrykk.

Om undervisninga

For «Dans 1» er undervisninga leikbasert, og det blir ikkje stilt krav om øving heime.
Etter kvart som elevane blir eldre, blir det meir fokus på systematisk trening og eigeninnsats, for å utvikle teknikk, samspel og uttrykk.

Dans er ein kunstform som krev tid og tålmod, og vi legg vekt på at elevane møter til timane førebudde, positive og motiverte, med god treningskultur.

Undervisning i dansesalen i Skjåk, Industrivegen 60

Lokal læreplan for dans (PDF, 131 kB)

Om faget

Karusell kunst er eit kunsttilbod der born får prøve seg på både musikk, dans, teater og visuell kunst. 

Tilbodet legg vekt på:

• kreativ utvikling
• samarbeid og sosial læring
• meistring og personleg utfalding

Saman skapar vi noko nytt – og har det kjekt medan vi held på!

Undervisningsstader

• Skjåk: Skjåk barne- og ungdomsskule (SFO). Undervisninga er på Skjåk barne- og ungdomsskule og kulturskulen sine lokalar i SFO tid. Tilbodet er for 1.og 2. klasse.
• Lom: Karusell kunst er ein aktivitet organisert i samarbeid med SFO på skulen. Elevane vil få ulike aktivitetar, blant anna karusell kunst som ein del av SFO tilbodet

Lokal læreplan for karusell kunst (PDF, 129 kB)

Minikarusell er eit tilbod til barn frå 4 til 5 år saman med foreldre. På minikarusell vil borna få utforske og leike seg i kunstområda musikk, teater, visuell kunst og dans.

Undervisninga blir gjeven på Skjåk barne- og ungdomskule. Bruk hovedinngangen. 

Lokal læreplan for minikarusell (PDF, 125 kB)

Songopplæring

Tilbodet er ope for elevar frå 1. klasse og oppover. Du vil få undervisning i:

• Stemmebruk og songteknikk
• Musikkteori, inkludert note- og rytmeinnlæring, og nødvendige omgrep for å utvikle deg som songar

Å delta i vokalgrupper, kor og samspel med andre er ein viktig del av undervisninga. Elevar på individuell songopplæring er automatisk med i barne- og ungdomskoret, som ein del av den heilskaplege opplæringa.

Kor

Barnekor: ope for elevar frå 1.–7. klasse.
Ungdomskor: for elevar frå 8. klasse til vidaregåande. I koret får du:

• Variert repertoar
• Opplæring i stemmebruk, songteknikk og aktiv lytting
• Musikkteori som styrkjer songarferdigheiter

Koret har eigen timeplan og legg vekt på samarbeid, samspel og musikalsk utvikling.

Lokal læreplan for song (PDF, 77 kB)

Om tilbodet

Musikk i byrjinga av livet er eit samarbeid mellom kulturskulen og helsestasjonen i Lom og Skjåk. Tilbodet er organisert som kurs over 10 samlingar, der du og barnet ditt får utforske musikk gjennom song, rørsle, lytting og leik.

Målet er å styrkje tilknyting mellom vaksen og barn, og å skape gode musikalske opplevingar heilt frå starten av livet.

Tilbodet er retta mot dei aller yngste barna saman med føresette.

Påmelding

Påmelding og praktisk informasjon blir handtert av helsestasjonen i Lom og Skjåk.
Ta kontakt med helsestasjonen dersom du ynskjer å melde deg på eller få meir informasjon.

Tilbod i både Lom og Skjåk

Om faget

Visuell kunst er eit tilbod for elevar frå 3. klasse og oppover som vil utforske kreativitet gjennom ulike kunstformer. Her får elevane prøve seg på teikning, måling, skulptur, ulike materialar og teknikkar, samt bli kjende med visuelle uttrykk og visningsarenaer.

Om undervisninga

Undervisninga byggjer både på grunnleggjande handverk og på å stimulere fantasi og skaparglede. Over tid vil elevane utvikle sitt eige uttrykk, skjerpe blikk og handlag og oppleve meistring og kunstnarisk identitet.

Det blir lagt vekt på inspirerande undervisning, praktisk arbeid og gode kreative prosessar. Samarbeid mellom heimen og kulturskulen er viktig for å støtte kunstnarisk utvikling og framdrift.

Tilbodet blir gjeve i Skjåk

Lokal læreplan for visuell kunst (PDF, 261 kB)

Om faget

Teater i kulturskulen gir barn og unge ein unik sjanse til å utforske rollespel, historier og scenekunst gjennom leik, skapande aktivitet og samarbeid. Her får elevane bruke kropp, stemme og fantasi for å gi liv til karakterar og forteljingar.

Om undervisninga

Undervisninga byggjer på dramapedagogiske metodar, og gir erfaring med å:

• spele og formidle på scene
• utvikle eigne idear og samarbeid i grupper
• reflektere over både roller og uttrykk

Teateropplæringa skal styrke kreativitet, sjølvtillit og samspel, og skape rom der alle kan finne si stemme og sitt uttrykk.

Undervegs vil elevane få høve til å delta på framsyningar både i kulturskulen og ute i lokalsamfunnet – ein fin måte å dele teaterglede og skape nye møte mellom folk og kultur.

Vil du vere med bak scena og skape gode konsert- og sceneopplevingar? I dette faget lærer elevane grunnleggande lyd- og lysteknikk, rigging, bruk av miksebord og lysutstyr, samt arbeid som scenecrew under konsertar og framsyningar. Tilbodet er praktisk retta, og elevane får vere med på ekte produksjonar i kulturskulen og på arrangement i lokalmiljøet. 

Faget er for dei frå 7. klasse og oppover.