Boktips

Kjærlig hilsen mamma
Iliana Xander
2026

Nokre hemmelegheiter er så mørke at nokon er villige til å drepe for dei. 

Mora til McKenzie skreiv verdskjente thrillerar med halsbrekkande tvistar. Men den mest brutale historia spelte ho tydelegvis ut i sitt eige liv.

Då mora brått går bort, tek det ikkje lang tid før dei første dagboksidene dukkar opp i postkassa til McKenzie. Det som står der, snur alt på hovudet. Saman med datanerden EJ må McKenzie grave i mora si mystiske fortid. Sanninga dei avdekker endrar alt, om alt.

Er du klar for ein psykologisk thriller som kryp under huda på deg? «Kjærleg helsing mamma» held deg på tå hev frå første til siste side!

Spennande bok!
 

Folk som hater lokalhistorie
av Tyra Teodora Tronstad
2026

Folk som hater lokalhistorie er alt anna enn det tittelen kan få deg til å tru. Dette er ei varm, morosam og gripande forteljing om menneske, bygdeliv, sorg, samhald – og alle dei små historiene som eigentleg blir den store historia.

Tyra Teodora Tronstad skriv med ein heilt særeigen energi og humor, sjølv når livet er på sitt mest sårbare. Her møter du menneske du kjem til å le av, irritere deg over og heie på – og ei bygd som blir levande mellom sidene.

Ei bok med bygdeskrøner og familieband i ei herleg foreining. Boka har gode personskildringar, levande språk og forteljingar som blir verande lenge etter at siste side er lesen.

God bok!

Portrett av en brud
Maggie O'farrell

Lucrezia er berre 15 år då ho blir gift bort til den mektige hertug Alfonso av Ferrara. Ho skulle eigentleg aldri ha vore brura hans, men då storesøstera døyr på sjølve bryllaupsdagen, blir Lucrezia sett i hennar stad. Hertugen kan vere øm og kjærleg det eine augeblikket – og skremmande brutal det neste.

Den frie og eigenrådige Lucrezia må lære seg å skjule kven ho eigentleg er for å overleve. Men hertugen krev ein arving, og månadene går utan at Lucrezia blir gravid. Snart byrjar ho å frykte at ho ikkje berre kan miste ekteskapet – men livet.

Då hertugen inviterer henne med til ei jakthytte langt frå slottet, blir mistanken hennar til rein skrekk.
Vil han drepe henne?

Portrett av en brud er ei fengslande historisk roman basert på ei verkeleg kvinne som døydde berre 16 år gammal under mystiske omstende.
Var dødsfallet sjukdom – eller vart Lucrezia myrda av sin eigen ektemann?

Maggie O’Farrell skriv med eit rikt, poetisk språk som gjer at du kjenner både luktene, fargane, lydene og farane i 1500-talets Italia.
Ei vakker, mørk og nervepirrande forteljing om makt, frykt, overleving – og ei ung kvinne som nektar å bli gløymd.

God bok!