Klima- og miljøarbeid i Skjåk

Last ned eller les klima- og miljøplan for Skjåk kommune 2023 - 2028

Klima og miljø i endring

Det er godt dokumentert at den globale gjennomsnittstemperaturen aukar, og at nedbørsmengdene endrar seg. Isbrear, havisen i Arktis og innlandsisen på Grønland smeltar.

FNs klimapanel peikar på at oppvarminga sidan midten av 1900-talet i hovudsak kjem av auka klimagassutslepp frå menneskeleg aktivitet.

Kilde: Norges klima- og miljømål, Miljøstatus.no

Klimaendringane påverkar oss alle, både i kvardagen og i samfunnet rundt oss.

Endringar i klimaet kan gi fleire og kraftigare vêrhendingar, som flaum og tørke. Dette kan påverke både lokalsamfunn, helse og natur. Høgare temperaturar og endra nedbør kan også få konsekvensar for landbruk, naturmangfald og ressursar som vatn og jord.

Klimaendringane påverkar ulike næringar og levekår, og kan gi auka press på natur og miljø. For å møte utfordringane må vi tilpasse oss endringane og arbeide for å redusere utsleppa.

Klimaendringane er ei av dei største utfordringane i vår tid og krev innsats både lokalt og globalt.

Les meir på miljostatus.no finn du oppdatert informasjon om miljøtilstand, påverknad og tiltak i Noreg.

Skjåk kommune arbeider aktivt med FNs berekraftsmål, som er ein felles plan for ei berekraftig utvikling fram mot 2030.

FNs berekraftsmål skal bidra til å utrydde fattigdom, redusere ulikskap og stoppe klimaendringane. Måla består av 17 hovudmål og 169 delmål, og gir ei felles retning for land, næringsliv og samfunn over heile verda.

Berekraftig utvikling handlar om å dekkje behova til menneske i dag, utan å redusere moglegheitene for framtidige generasjonar.

Dei tre dimensjonane

– klima og miljø
– økonomi
– sosiale forhold

Les meir om FNs berekrafsmål

Kva betyr naturen for oss, og har den nokon verdi i seg sjølv? 

Vi menneske er grunnleggjande avhengig av naturen. Den gjev oss ressursane vi treng for å leve, utvikle oss, bygge og bu. Den gjev oss livsnødvendigheiter som rein luft, reint vatn og mat. Det biologiske mangfaldet har ein eigenverdi, likt som det skapar alle dei funksjonelle økosystemena vi kjenner. Mangfaldet er ein føresetnad for menneskets trivsel og velvere. Alt vi treng for å leve, hentar vi fra naturen. 

• Det biologiske mangfaldet vi har i dag, har utvikla seg gjennom millionar av år. 
• Moglegheit for å ferdast i vakker, vill og uberørt natur med eit variert plante- og dyreliv betyr mykje for trivsel og velvere. 
• Alle artar har si rolle i det økologiske samspelet, og den genetiske variasjon er viktig for å takle framtidige endringar i miljøet. 
• Naturen har ein indirekte bruksverdi som for eksempler at myrer hemmar flaum, regnskog produserar mykje oksygen, sandmorener reinsar vatn. 
• Naturen har ein direkte bruksverdi som kjelde til mat, brensel, medisinar, byggemateriale og klede. 
• Naturens potensielle verdi. Framtida vil gje oss moglegheiter som ikkje er kjent eller utnytta i dag. Dette kan vera både direkte og indirekte verdiar.