Skogbruk

Det kan bli gitt tilskot til skogbrukstiltak frå staten (NMSK) og kommunen for å stimulere til auka verdiskaping i skogbruket. Tiltaka må vere skogbruksfagleg, økonomisk og miljømessig forsvarleg utførte. Det må leggast fram dokumentasjon på omfang, kostnader og kartfesting av tiltaket.

Nærings- og miljøtiltak i skogbruket (NMSK)

Føremålet med tilskot til nærings- og miljøtiltak i skogbruket er å stimulere til auka verdiskaping i skogbruket, ut frå regionale og lokale prioriteringar. Samtidig skal miljøverdiar knytte til biologisk mangfald, landskap, friluftsliv og kulturminne bli tekne vare på og vidareutvikla.

• Kommunen og statsforvaltaren har ansvar for saksbehandling av tilskota og for å utarbeide retningsliner for ordninga. 
• Ei samla oversikt over tilskotsordningar i skogbruket finn du på nettsidene til Landbruksdirektoratet.
• Har du spørsmål om ordningane, kan du ta kontakt med skogbrukssjefen.

Ta konakt for søknadsskjema

Skjåk næringsfond kan gje tilskot til:

• Bygging av skogsvegar
• Avvirkning
• Drift i mellomvanskeleg terreng

Reglar og vilkår for tilskot finn du i vedtektene for næringsfondet.

Lom næringsfond kan gje tilskot til:

• Avvirkning
• Drift i mellomvanskeleg terreng 
• Skogbruksvegar

Reglar og vilkår for tilskot finn du i retningslinjer for næringsfondet.

Føremålet med ordninga 

Føremålet med ordninga er å sikre finansiering av ei berekraftig forvaltning av skogressursane. Skogfondet skal gje skogeigaren eit betre grunnlag for langsiktige investeringar, og bidra til å ta vare på viktige miljøverdiar i skogen der virket kjem frå eller i annan skog eigd av skogeigaren.

Skogfondet består av midlar som skogeigarar pliktar å setje av ved sal av tømmer og biobrensel. Skogeigar skal setje av ein valfri sats mellom 4 og 40 prosent av bruttoverdien av virke som blir selt frå eigedomen.

Når skogfondsmidlar blir brukte, er 85 prosent skattefritt. Ordninga gir difor gode moglegheiter for å finansiere tiltak i skogen.

Skogfond kan brukast til:

• Skogkulturtiltak, som planting og ungskogpleie 
• Nybygging og ombygging av skogsveger, samt ombygging av velteplasser
• Vedlikehald av skogsbilvegar og velteplassar
• Miljøtiltak, som pleie av kantsoner i skog  
• Skogbruksplanlegging
• Bioenergianlegg og -utstyr for varmeleveranse
• Forsikring av skog  
• Kursavgift og kursmateriell for kurs knytta til skogens drift 
• Oppmerking av eigedomsgrenser i forbindelse med jordskifte

Det kan også dekke meirverdiavgift til de aktuelle tiltaka, men det er ikkje skattefordel til dette

Les meir om skogfond på Landbruksdirektoratets nettside

Løyve til bygging eller ombygging av landbruksvegar 

Løyve til bygging eller ombygging av landbruksvegar blir behandla etter landbruksvegforskrifta og handsama av landbrukskontoret.

Nybygging og ombygging av landbruksvegar er søknadspliktig og må godkjennast av kommunen før arbeidet kan starte. Oppgradering til høgare vegklasse etter Normalar for landbruksvegar må også godkjennast av kommunen.

• Søknad om godkjenning skal sendast på eige skjema.

Landbrukskontoret legg søknaden fram for andre relevante fagområde i kommunen, samt kulturminne- og miljøstyresmakter. Saksbehandlingstida kan difor vere opptil to til tre månader.

Det kan søkjast om statleg og kommunalt tilskot til bygging og opprusting av skogsvegar. Ta kontakt med landbrukskontoret for informasjon om tilskotssatsar.

Meir informasjon finn du her:

• Forskrift om planlegging og godkjenning av landbruksveier
• Normaler for landbruksveier
• Skogbrukets kursinstitutts nettside om skogsveier