Sommarjobbprosjektet

Sommarjobbprosjektet er ein fin måte å få arbeidserfaring, lære noko nytt og bli kjent med arbeidslivet i Skjåk.

Om sommarjobbprosjektet

Skjåk kommune gir tilskot til bedrifter som vil ta inn ungdom som ekstra arbeidskraft i sommarsesongen. Tilskotet er på inntil kr 1 500 per vekesverk, og ordninga gjeld for ungdom mellom 14 og 18 år. Tilskot blir ikkje gitt for eigne born.

Sommarjobbprosjektet i Skjåk har eksistert sidan 2003. Gjennom alle desse åra har lokal ungdom fått moglegheit til å lære kva det vil seie å vere arbeidstakar. Dei får også moglegheit til å bli kjende med næringslivet i Skjåk. Dette er nyttig for å skaffe seg erfaring med kva det vil seie å arbeide, og for å bidra til å finne retning for ei mogleg utdanning. For bedriftene er det ei marknadsføring av bedrifta som kan føre til rekruttering seinare. Bedrifter som tek imot ungdom har eit viktig ansvar for å ta godt vare på og lære opp ungdommane når dei blir introduserte for arbeidslivet.

Er du mellom 14 og 18 år og ønskjer sommarjobb?

Er du mellom 14 og 18 år og ønskjer sommarjobb? Her finn du ei liste over lokale bedrifter som deltek i sommarjobbprosjektet. Du tek sjølv kontakt med dei bedriftene du ønskjer å søke hos.

Sommarjobb er ein fin måte å få arbeidserfaring, lære noko nytt og bli kjent med arbeidslivet i Skjåk.

Sist endret 11.08.2026 09.41