Sats på Skjåk

«Sats på Skjåk» er eit prosjekt som skal bidra til å tiltrekkje nye innbyggjarar til kommunen. Prosjektet er finansiert gjennom Husbanken si tilskotsordning «Bustadtiltak i distrikta».

Prøvebustader og tilflytting til Skjåk

Prøvebustader for nye innbyggjarar

I 2023 bygde Skjåk kommune fire prøvebueiningar. Målet er å møte utfordringar knytte til rekruttering til lokalt næringsliv og den demografiske utviklinga i kommunen. Prøvebustadane skal gjere det enklare for personar som vurderer å flytte til Skjåk å prøve å bu i kommunen for ein periode.

Ei ordning for tilflytting

Gjennom prosjektet arbeider kommunen med å utvikle ei heilskapleg ordning for bruk og forvaltning av prøvebustadane. Som ein del av arbeidet skal kommunen etablere ei tilflyttarteneste. Målet er å gi betre informasjon og oppfølging til dei som ønskjer å flytte til Skjåk.

Distriktssenteret - samarbeid for å lykkast 

Skjåk kommune samarbeider med Distriktssenteret i arbeidet. Distriktssenteret er ei offentleg verksemd som arbeider for å styrkje kommunar si evne til å utvikle attraktive og livskraftige lokalsamfunn.

For å lukkast er samarbeid med lokalt næringsliv, lag og organisasjonar og innbyggjarane i kommunen viktig.

Kvifor arbeider vi med tilflytting

Mange distriktskommunar opplever demografiske utfordringar. Låge fødselstal og ein aukande del eldre kan gjere det vanskeleg å sikre nok arbeidskraft.

Ei kommunal tilflyttarteneste kan bidra til at fleire av dei som flyttar til kommunen, vel å bli buande. Skjåk kommune ønskjer å leggje til rette for ei positiv utvikling i lokalsamfunnet.

Les også:

Bu og arbeide i Skjåk  

Sist endret 17.08.2026 10.26