Ei klar oppmoding frå unge skjåkværar: Vi er med på Sommarles – bli med du òg! Framme: Konstanse, Erle, Alma og Yeva. Bak: Kristian og Odin Skjåk folkebibliotek

Det er framleis mogleg å melde seg på Sommarles

Kva er Sommarles?

Sommarles er ein digital, nasjonal lesekampanje for deg som går i 1.–7. klasse. Du lagar ein profil på Sommarles.no, registrerer bøker, får lesetips og løyser oppgåver.

Har du ikkje tilgang til nett, kan du delta med lesekort. Spør oss på biblioteket.

All lesing tel!

Du kan lese vanlege bøker, e-bøker, lydbøker og teikneseriar – eller bli lesen høgt for. All lesing tel!

For kvar bok du registrerer, får du XP (poeng) og går opp i level. Når du legg inn bøker, får du digitale trofé til profilen din på nettsida, og du kan hente premiar på biblioteket gjennom sommaren.

Trylleshow

I september blir det avslutningsfest for alle som har vore med. Då blir det trekt ein heldig vinnar av hovudpremien – eit gåvekort på 1 000 kroner. Tryllekunstnaren Daniel Larsen står for underhaldninga.

Kom innom biblioteket! Her finn du bøker for alle – anten du drøymer om mysterium, humor, fantasy, dyr eller eventyr. Vi hjelper deg gjerne med å finne akkurat di neste favorittbok.