Bismo barnehage

Vi ønskjer å gje barna ein kvardag fylt med leik, glede, erfaringar og gode minner.

Bismo barnehage er ein Friskusbarnehage. Det betyr at vi legg stor vekt på fysisk aktivitet. Uteområdet vårt er variert og innbydande, med skog, naturleikeplass, gapahuk og grillhytte. Rett utanfor gjerdet har vi gode turmoglegheiter, og vi har Skjåkhallen som næraste nabo med faste tider kvar veke.

Visjonen vår er «Sjå ljost på livet». Vi møter kvar dag som ei ny moglegheit til å møte små og store med eit ope og positivt sinn.

Bismo barnehage ligg midt i Bismo sentrum i Skjåk kommune. Barnehagen vart bygd i 1983 og utvida i 2004. Vi har to småbarnsavdelingar (0–3 år) og ei avdeling for større barn (3–6 år). Totalt har barnehagen 54 plassar.

Vedtekter for dei kommunale barnehagane i Skjåk kommune.

Sjå vedtekter