Dønfoss naturbarnehage

Velkomen til Dønfoss naturbarnehage  – ved foten av Breheimen og Reinheimen, i vegskilet mellom øst og vest ligger Dønfoss naturbarnehage. Vi ligg skogenkanten mellom gardsbruk og fjell. Dønfoss naturbarnehage ligg 10 km vest for kommunesenteret Bismo. Her finn du eit levande læringsmiljø der naturen er både leikeplass og læringsarena – året rundt!

Vi er ein naturbarnehage med to avdelingar, godkjent for 36 plassar, med eit miljø som er fullt av opplevingar, utfordringar og meistring – både inne og ute. Årsplanen vår sikrar struktur og retning, men det er barna, naturen og kvardagen som set farge på dagane.

bilde av Dønføss naturbarnehage Skjåk kommune

Hjå oss er naturen ein stor del av kvardagen. Vi har eit unikt skog- og turområde rett utanfor døra. Vi har eigen lavvo med tilhøyrande bålplass, og skogen å boltre oss i. 

Vinterstid har vi akebakke og skiløype like ved. Det er i naturen vi finn den aller beste leikeplassen, og vi brenn for oppdagingsferd i naturen med undring over dei ulike årstidene. Vi ynskjer å fremme kunnskap om naturen, å vera i naturen, og å ha respekt for naturen. Vi vil at naturen skal vere ein læringsarena for meistring, samspel og språk. 

Skjåk kommune

Med konseptet naturbarnehage styrker vi barnet gjennom mykje fysisk aktivitet i naturen. Når vi er på tur forsterkar vi dei gode opplevingane av fellesskap og relasjonar mellom liten og stor. 

Hos oss er naturen ein naturleg del av kvardagen. Barnehagen har eit unikt skog- og turområde rett utanfor døra, med eigen lavvo, bålplass og gode område for leik. Vinterstid har vi både akebakke og skiløype i nærleiken.

Vi ser naturen som ein viktig leike- og læringsarena, der barna får utforske, undre seg og oppleve årstidene. Gjennom aktivitet og leik i naturen ønskjer vi å styrkje meistring, samspel og språk. Når vi er på tur, legg vi vekt på gode fellesskap og trygge relasjonar mellom barn og vaksne.

Skjåk kommune

I Dønfoss naturbarnehage arbeider vi aktivt med trygge relasjonar, tilknyting og helse – både fysisk og psykisk. Hos oss får barna vere seg sjølve og vekse i sitt eige tempo, i eit miljø som støttar utvikling og meistring. 

Barna skal òg oppleve å vere ein viktig del av fellesskapet, uavhengig av bakgrunn, funksjonsnivå eller føresetnader. Vi legg vekt på at alle barn skal kjenne seg trygge og høyre til i gruppa.

Skjåk kommune

Elgjakt, slakting og fiske er faste prosjekt i barnehagen, saman med matauk frå skogen og innhausting frå eigen kjøkenhage. Vi lagar mat frå botnen av med råvarer frå naturen, slik at barna får forståing for kvar maten kjem frå.

I barnehagen bakar vi flatbrød og lefse i eige bakstrom i kjellaren, og barna får òg bruke snekkerbod. Utanfor vindauga har vi fuglekarnapp og fuglekassar med kamera. Vi har kaninar og ruger ut kyllingar om våren. I nærleiken ligg to gardsbruk, der barna får kome på besøk og helse på både lam og kyr.

Skjåk kommune