No startar planarbeidet for framtidas Strynefjellet – di meining tel!
Statens vegvesen set i gang arbeidet med kommunedelplan og konsekvensutgreiing for riksveg 15 over Strynefjellet, inkludert arm til Geiranger. No kan du kome med innspel som blir viktige for det vidare planarbeidet.
Planprogrammet er no ute på høyring
Statens vegvesen planlegg ny vintersikker fjellovergang over Strynefjellet med lang tunnel og arm mot Geiranger. Målet er heilårleg vegforbindelse frå aust til Geiranger. Planprogrammet med tilhøyrande dokument er no ute på høyring. Les meir på Statens vegvesen si heimeside.
Merknader og informasjonsmøte
Innspel og merknader kan sendast innan 15. januar 2026:
Innspel som gjeld planområdet i Stranda kommune ønskjer vi blir merka med sak 25/311403, innspel i Skjåk kommune med sak 25/294369 og innspel i Stryn kommune med sak 25/294637.
Vi vil arrangere opne informasjonsmøte i høyringsperioden:
- Stranda kommune: Tysdag 2. desember på Fjordsenteret i Geiranger kl. 18-20
- Skjåk kommune: Onsdag 3. desember på Skjåk Barne- og ungdomsskule kl. 18-20
- Stryn kommune: Torsdag 4. desember i Stryn kulturhus kl. 18-20
Skjermdump-Geodata
Sist endret 11.11.2025 09.24