Åsted Skjåk

Denne veka har Jørn Lier Horst, kjend frå mellom anna “Åsted Norge”, hatt foredrag for både store og små i Skjåk.

Populært forfattarbesøk

Denne veka har det vore storfint besøk i Skjåk! Den kjende forfattaren Jørn Lier Horst var på biblioteket, og både vaksne og barn fekk høve til å møte han og høyre meir om det spennande arbeidet hans som forfattar og tidlegare politietterforskar.

Først heldt Horst eit foredrag for vaksne. Her fekk vi høyre om korleis erfaringar frå jobben som etterforskar i politiet har påverka forfatterskapen hans.

Dagen etter var det ungane sin tur. Da møtte han 3., 4. og 5. klassingane, engasjementet var stort! Elevane fekk høyre om den populære serien Detektivbyrå nr. 2, og dei fekk stille spørsmål, høyre spennande historiar frå livet hans som politimann og dei fekk vere med å løyse fleire mysterium.

Besøket vart svært godt motteke og var ein stor suksess – både for biblioteket og publikum.

Vi takkar Jørn Lier Horst for eit spennande, inspirerande og lærerikt besøk!

Jørn Lier Horst og 3. klassingane i Skjåk

Jørn Lier Horst og 3. klassingane i Skjåk Skjåk folkebibliotek

Jørn Lier Horst og 4. klassingane i Skjåk

Jørn Lier Horst og 4. klassingane i Skjåk Skjåk folkebibliotek

Jørn Lier Horst og 5. klassingane i Skjåk

Jørn Lier Horst og 5. klassingane i Skjåk Skjåk folkebibliotek

Jørn Lier Horst

Skjåk folkebibliotek

Jørn Lier Horst har lang erfaring som etterforskingsleiar i politiet. I dag er han mest kjend som ein av Nordens mest suksessrike og prisbelønte krimforfattarar.

Kunnskapen og erfaringane hans gjev eit detaljert og realistisk innblikk i korleis alvorlege kriminalsaker blir etterforska.

Han er også ekspertkommentator i VG og kjend frå Åsted Norge.

I tillegg til krimbøkene om William Wisting skriv Horst også spenningsbøker for barn og unge, og står mellom anna bak den populære serien om Detektivbyrå nr. 2.

Horst har fått fleire prisar for bøkene sine, m.a. Bokhandlerprisen, Rivertonprisen og den høgthengande Glassnøkkelen for beste nordiske kriminalroman. Han har gjeve ut over 70 bøker.

Avslutning Vinterles 2024/2025

Vinterles er ein leselystaksjon for ungdom og vaksne. Dette er eit samarbeid mellom norddalsbiblioteka. Prosjektet har fått støtte frå Skjåk Energi, SpareBank1 Lom og Skjåk og Peer Gynt. I Skjåk deltok 41 lesarar, dei las til saman 450 bøker. I år gav vi kr 5 pr. leste bok til barnekreftsaka.

Forfattarbesøket med Jørn Lier Horst var ei avslutning på årets Vinterles. I tillegg var det stor stas og ein stor suksess at også fleire av elevane fekk møte han.

Sist endret 09.05.2025 12.50