Velkomen til «Circle of security parenting»(COS-P.) - Hausten 2022
Er du interessert i å lære meir om kva som gjev tryggleik for barnet ditt? Da kan kurs i tryggleikssirkelen / Circle of securtity parenting (COS-P) vera noko for deg. Kurset passar for alle foreldre om det er utfordringar i heimen eller ei.
Tryggleik er viktig for utvikling av empati, venskap og god sjølvkjensle. Trygge barn opplever også meir glede saman med foreldra sine og søkjer oftare hjelp hjå foreldra/føresette når dei har det vanskeleg. Dette kurset har fokus på at foreldra/føresette i kvardagssituasjonar kan skape tryggleik, gjennom samstundes å møte barnet sitt emosjonelle behov og setje grenser.
Kurset er basert på eit ferdigutvikla DVD- materiell og vil vere i gruppe. Dykk vel sjølve kor mykje dykk ynskjer å dele i gruppa.
- Kurset startar opp tysdag 4. oktober kl 18.00.
- Møtestad: Skjåk kommunehus, - kommunestyresalen.
- Det blir treff x 1 i veka, 6 gonger, med eit opphald i haustferien.
- Vi bruker ca 1,5 time kvar gong.
Vi oppfordrar båe foreldre til å delta - men det er ikkje eit krav. Kurset vil denne gongen bli gjennomført av Helsestasjon i Skjåk.
Ta kontakt dersom du har spørsmål.
- Påmelding innan 30.09.22
- Lom helsestasjon: 976 67 746 / 976 67 747
- Skjåk helsestasjon: 974 03 767 / 908 48 458
Vi gler oss til å starte opp att med COS-P kurs!!
Venleg helsing
Helsestasjonane i Lom og Skjåk