Omklassifisering av Slettomsvegen til privat veg

På bakgrunn av Hovudplan Veg 2023-2030 vurderer Skjåk kommune omklassifisering av Slettomsvegen (3433 KV1036) frå kommunal til privat veg etter Veglova § 8 og gjeldande kommunale føresegner for omklassifisering av vegar. Føremålet er å sikre ein ryddig og lik praksis der kommunale ressursar blir retta mot vegar med tydeleg allmennyttig funksjon, samstundes som vegar som i hovudsak tenar einskildbruk, privat næring, skogsdrift eller fritidsbusetnad kan overførast til privat forvaltning på ein trygg og føreseieleg måte. Les meir i vedlegg nedst i artikkel.

For kommentar til omklassifisering av Slettomsvegen merk brev med sak: 2025/1976. Kommentar leverast til servicetorget eller post@skjåk.kommune.no.

Frist for levering fredag 20 februar 2026 kl. 1400.

• Vedlegg: Høyring, omklassifisering av Slettomsvegen (PDF, 582 kB)
• Vedlegg: Saksutgreiing, Omklassifisering av Slettomsvegen (PDF, 116 kB)

Skjåk kommune