Tildeling av fellingsløyve på elg, hjort og rådyr er styrt gjennom bestandsplan for dei to godkjente valda innan Skjåk kommune. Bestandsplanen skal følgje kommunale målsettingar for utvikling av hjorteviltbestandene i høve til «forvaltningsplan for elg, hjort og rådyr i Skjåk kommune».
For å oppnå måla i bestandsplanen og forvaltningsplanen er tildeling av fellingsløyve det viktigaste verkemiddelet. Minsteareala må derfor vera tilpassa hjorteviltstamma sin storleik. Den austlege delen av Skjåk kommune har dei største tettleikane av hjortevilt. Av den grunn er det hensiktsmessig med ulikt minsteareal for dei to valda.
- Endring innan Skjåk Almenning: Elg endra frå 3500 till 3000 da, hjort frå 4000 da til 2000 da, rådyr inga endring.
- Endring innan Skjåk Utmarksråd: Elg inga endring, hjort frå 1000 til 300 da, rådyr inga endring.
Høyringsinnspel kan bli sendt til Skjåk kommune innan 18.05.21. Send det til: post@skjaak.kommune.no eller Moavegen 30, 2690 Skjåk.