Den internasjonale fysioterapidagen blir markert måndag 8. september 2025, over heile verda av fysioterapeutar og deira organisasjonar. I Skjåk feirar den interkommunale ergo- og fysioterapitenesta for Lom og Skjåk dagen med ei spennande og inkluderande markering.

Tema for dagen er aktivitetar for sunn aldring og førebygging av fall – med fokus på kor viktig det er å bryte stillesitting og styrke både balansen og muskulaturen. Dette treff godt personar som ønskjer hjelp til å halde seg friske og stabile i kvardagen.

Arrangementet startar med ei offisiell markering, og deretter inviterer fysioterapeutane alle interesserte til gratis trening kl. 12.00 i treningssalen i Skjåk kommunehus. Ingen påmelding nødvendig – her er det berre å møte opp!

Det vert ein utandørs runde i Skjåk sentrum der fysioterapeutane viser seg fram og synleggjer breidda av fysioterapitilboda. I tillegg blir det samtalar om årets tema og utdeling av informasjonsmateriell. Her får du også gode råd og forslag til ulike aktivitetar som fremjar sunn aldring og redusert fallrisiko.

Plakat for internasjonale fysioterapidagen 2025

Plakat for internasjonale fysioterapidagen 2025