Råd om mat

• Vel matvarer som ikkje treng kjøling og som er lett å tilberede utan straum. 
• Pass på at du har litt ekstra av den maten du brukar til vanleg. Handlar du før du går tom, vil du alltid ha eit ekstra lager.
• Ha ekstra matvarer med lang haldbarheit, som kan lagrast i romtemperatur. Gode døme er: 
  knekkebrød, havregryn, hermetiske linser og bønner, påleggshermetikk, energibarar, tørka frukt, sjokolade, honning, kjeks og nøtter.
• Døme på langtidshaldbare matvarer som treng varmebehandling er: 
  pasta, ris, posesuppe, mjøl, middagshermetikk og frysetørka mat.
• Om det er matvarer nokon i huset ikkje toler, eller som dei er avhengige av, må du planleggje for dette.
• Har du tenkt å tilberede mat på stormkjøken, gassbluss eller gassgrill, bør du jamleg sjekke at utstyret fungerer og er i god stand.

Ein enkel måte å komme i gang på, er å lage ein vekemeny med måltid som kan lagast i ei krise. Da får du oversikt over kva du treng av ulike varer, og kor mykje vatn som går med til matlaging.

Lagre vatn trygt

Myndigheitene tilrår at du lagrar om lag 20 liter drikkevatn per person. Dette dekker minimumsbehovet for ei veke dersom noko skulle skje med vatnet i springen.

Slik lagrar du vatn trygt:

• Reingjer behaldarane: Vask flasker eller kanner med såpe og vatn, og skyll godt. Tilsett deretter to korker husholdningsklorin per 10 liter vatn. La det stå i minst 30 minutt før du skyller godt.
• Fyll med kaldt vatn: Bruk kaldt, rennande vatn frå springen. Varmt vatn anbefalast ikkje som drikkevatn, då det kan frigjere metallar frå røyrnettet.
• Lagring: Oppbevar vatnet på ein mørk og kjølig stad utan direkte sollys. Sollys og høg temperatur kan langsamt bryte ned plastbehaldarar, noko som kan påverke smaken på vatnet. Det er ikkje farleg å drikke, men smaken kan bli påverka. For å sikre god smakskvalitet bør du byte vatnet ein gong i året. Du kan også vurdere å lagre vatn på glas. Sammenlikna med plastbehaldarar er glas tettare og mindre utsett for inntrenging av lukt.

Plass til lageret

Det er ofte lettare å finne plass til fleire små kanner enn til nokon store. Du kan lagre vatn i skap, under kjøkenbenken eller andre stader i heimen der du har litt ekstra plass. Bur du i bygg med fellesareal, kan du undersøke med styret i sameiget eller burettslaget om moglegheit for eit felles lager med vatn.

For fleire tips og sjekklister, besøk dsb.no/egenberedskap.

Last ned sjekkliste for eigenberedskap (PDF, 507 kB)

Simen Preståsen / DSB