Skjåkhallen

Skjåk kommune

Generelle reglar

• Alle brukar- og utleigeforhold skal bestillast gjennom servicetorget på kommunehuset.
• Det skal skrivast leigeavtale for all bruk av Skjåkhallen. Unnateke frå denne regelen er skule og barnehagar, bruk i regi av Skjåk il etter oppsett timeplan og arrangement/tilstellingar kommunen arrangerer i eigen regi.
• Betaling for leige/bruk av Skjåkhallen for alle leigeavtaler etter vedtekne satsar. Satsane blir fastsett av kommunestyret.
• Skular og barnehagar har bruksrett på heile Skjåkhallen. Brukstida for skule og barnehagar er i skuletida med tilpassingar etter arbeidstida for driftspersonalet.
• Sikkerheit og brannvernarbeid er obligatorisk for alle brukarar. Alle brukarar forpliktar seg å setja seg inn i sikkerheitsreglar, branninstruks og delta på brannøvingar.
• Brukarane har ansvar for rydding i Skjåkhallen etter sitt bruk.
• Brukarane er ansvarlege for at dører er lukka og låste etter bruk.
• Brukarar av Skjåkhallen kvitterar for nøkkelkort og betaler depositum etter gjeldande satsar.

Idrettshallen

• Utanom skuletid har lag/grupper frå Skjåk Idrettslag fyrsteprioritet.
• Skjåk Idrettslag melder inn til servicetorget ynskjer om halltider innan utgangen av juni kvart år. Skjåk Idrettslag er sjølve ansvarlege for fordelinga av tider mellom gruppene.
• Idrettshallen har standardutrustning med handballmål. Desse skal væra på plass etterpå, uansett bruksformål.
• Fellesutstyr står til disposisjon for alle brukarar av idrettshallen. Feil eller skade på fellesutstyr skal meldast driftansvarleg.
• Lag/grupper har ansvar for opprigging og tilordning for sin aktivitet. Gjeld for både idrettshall og garderobar.

2. etasje Skjåkhallen