Bondens nettverk

Som gardbrukar har ein eit stort ansvar. Vi veit at det dagleg er mange beslutningar som skal takast, og av og til kan ein oppleve at ansvaret blir for stort.  

For alle gardbrukarar kan det oppstå ein situasjon eller ei enkelthending som gjer at det er vanskeleg å handtere alt aleine. Mange har familie, arbeidshjelp og eit godt nettverk rundt seg som kan bidra i ein vanskeleg situasjon, men andre har få å støtte seg til når ting blir vanskeleg. Uansett kor stort eller lite nettverk ein bonde har, så kan det vere god hjelp at det er eit apparat med profesjonelle fagfolk som kan hjelpe bonden i ein vanskeleg situasjon. 

Målet med Bondens nettverk er å gje gardbrukaren ein tryggare kvardag. Gardbrukaren eller andre kan ta kontakt med Bondens nettverk for å få hjelp til å løyse ulike problem og vanskelegheiter. 

Vi er tilgjengeleg for deg - ta kontakt med ein av oss! 

Dei som har sagt ja til å stå som kontaktperson på denne lista har absolutt teieplikt overfor tredje person. Det er berre den som ringer på vegne av seg sjølv eller andre, som kan gje tillating til å be om hjelp frå andre instansar.

Plakat med kontaktinformasjon er sendt ut til alle som søker produksjonstilskot i Lom og Skjåk. 

• Last ned og/eller sjå Informasjonsplakat om Bondens nettverk (PDF, 226 kB)

Andre nettsider med informasjon om Bondens nettverk og psykisk helse i landbruket:

• Norsk Landbruksrådgiving Innlandet | Trygg bonde
• Godt bondevett | En nettside om psykisk helse i landbruket