Skjåk kommune tilbyr to ulike startlånsordningar:
Ordinært startlån er for husstandar med langvarige bustad- og finansieringsutfordringar. Ordninga skal hjelpe personar som ikkje får tilstrekkeleg lån i vanleg bank, og som har behov for ein stabil og varig busituasjon.
Startlån kan nyttast til:
- kjøp av bustad
- refinansiering for å behalde bustad
- utbetring eller tilpassing av bustad
- oppføring av ny bustad i særlege tilfelle
Kven kan få ordinært startlån?
- Barnefamiliar
- Personar med låg, men stabil inntekt
- Bustadeigarar med gjeldsproblem
- Andre med særlege behov
Startlån for fyrstegongsetablerarar er ei forsøksordning gjennom Husbanken for deg som skal kjøpe bustad for fyrste gong, men som ikkje får nok lån i vanleg bank.
Ordninga kan vere aktuell for deg som:
- skal kjøpe din første bustad
- har stabil inntekt og god betalingsevne
- har minst 5 % eigenkapital
- har fått avslag på lån i vanleg bank
Det er også ein føresetnad at:
- bustaden har nøktern standard og pris
- du har økonomi til å handtere både lån og vanlege levekostnader
- lånet kan betalast ned over tid
Unntak ved livskriser
I enkelte tilfelle kan personar som tidlegare har eigd bustad, likevel vere aktuelle for ordninga. Dette kan gjelde ved livskriser som:
- samlivsbrot
- skilsmisse
- dødsfall
- andre alvorlege endringar i livssituasjonen
Kommunen gjer ei individuell vurdering i slike tilfelle
Individuell vurdering
Alle søknader blir vurderte individuelt. Skjåk kommune ser mellom anna på:
- økonomi og betalingsevne
- bustadbehov
- helse- og livssituasjon
- moglegheiter for lån i vanleg bank
Korleis søke om startlån:
Du kan søkje om startlån ved å gå vidare via denne lenkja:
Startlån og tilskudd fra kommunen - Husbanken
Ta kontakt med kommunen dersom du ønskjer meir informasjon om ordningane, eller treng hjelp med søknadsprosessen.