Ekstremvèret «HANS»

Både Norges vassdrags- og energidirektorat (NVE) og Meteorologisk institutt har sundag oppgradert sine farevarsel til høgaste nivå. Varsla gjeld for måndag 7. og tysdag 8. august og gjeld for store deler av Østlandet. Det er venta ekstremt mykje nedbør, og det er raudt nivå for jord- og flaumskredfare.  Skjåk kommune følgjer situasjonen fortløpande, og har beredskap dersom det er behov. Ta forhaldsreglar og fylg råd frå myndighene. For meir informasjon sjå:  www.yr.no/nb/ekstrem/hans 

Stengte veger i Skjåk

• Fylkesveg 258 Gamle Strynefjellsvegen. Fylkesvegen er stengd ved sommarskisenteret i Stryn og ved Heillstuguvatnet sørvest for Grotli.

Dette kan du gjere sjølv! 

Skjåk kommune oppmodar innbyggjarane om å fjerne gjenstandar og utstyr som ligg lagra ved elvekanten. Det oppmodast om at innbyggjarane held seg unna elver og bekkar med stor vassføring.

• Sikre og flytt verdiar bort fra utsette områder, for eksempel i kjellar, bilar, campingvogner langs elver og bekker.
• Det er viktig at du reinskar stikkrenner, kummer og andre vassvegar for jord, grus, kvist og lauv slik at vatnet kan renne uhindra der det vanlegvis renner.
• Sørg for at stikkrenner under avkøyringa fra offentleg veg til eigendomen din er ope. Dette er den enkelte grunneigar/huseigars ansvar.
• Sjå til at ikkje kvist eller lauv stenger for vatnet i avløp og mindre bekker.
• Hald deg unna elver og bekker med stor vassføring.

​ Teknisk vakt i Skjåk kommune:

Viktig at det blir varsla på telefon 909 77 628 dersom ein ser at det for eksempel skjer endringer i bekkefar. Ring òg telefon 909 77 628  dersom det er spørsmål i samband med kommunale vegar og kommunalt vatn og avløp. Skjåk kommune oppmodar innbyggjare om å ha opplada satelitt-telefonar og nødnettsamband dersom dei har dette.

Oppmøtestad ved bortfall av telefon eller nett

Oppmøtestad ved utfall av straum og EKOM (E-KOM=all form for elektronisk kommunikasjon) i Skjåk kommune er på Skjåkheimen.

• Adresse Skjåkheimen: Skeisvegen 1, 2690 Skjåk. Sjå kart vedlagt!