Fallvilt og påkøyrt vilt i Skjåk

Alt hjortevilt som døyr utanom ordinær jakt blir registrert i hjorteviltregisteret som fallvilt. Det høgaste talet på fallvilt hadde vi i 2018, da var det mykje snø også nede i bygda og mange dyr døydde på vinteren og våren. 

Mange påkøyrslar i Skjåk

Det er relativt mange påkøyrslar i Skjåk, ofte mellom 50 og 70 pr år. For fire år sidan var det heilt oppe i 85 påkøyrslar. I 2021 og 2022 var det færre påkøyrslar (godt under 50), men i fjor var det ei auke att til 57. Normalt er det elg og rådyr som er involvert i flest påkøyrslar, men dei to siste åra har det vore påkøyrt nesten like mange hjort. Ved store snømengder beitar hjorteviltet meir på innmark lågt i terrenget. Da blir det som regel fleire kryssingar av vegar og fleire påkøyrslar. God siktrydding er eit tiltak som kan bidra til færre påkøyrslar.

Utfordrande å utnytte vilt som er påkjørt til mat

Om lag halvparten av dei dyra som blir påkøyrd døyr. Om dei ikkje er øydelagt i påkøyrselen kan dei bli brukt til mat. Dei må i så fall bli godkjend av mattilsynet ved eit godkjent viltbehandlingsanlegg. Dette gjer det kostbart og utfordrande å utnytte vilt som er påkjørt til mat. Dersom t.d. vomma er sprukke eller dyret har døydd før fallviltpersonell kjem fram til påkøyrselstaden, vil dyret uansett ikkje kunne bli godkjent. Dei som ikkje blir brukt til mat kan bli brukt til åte eller bli liggjande i skogen og brytast ned naturleg. 

Skjermdump excel-ark

Skjermdump excel-ark

Skjermdump excel-ark