Fin fest
Heile 80 personar møtte opp for å høyre om dei nyaste og kulaste oppdagingane frå verdsrommet:
- Er det liv på andre planetar?
- Er Knut Jørgen i slekt i Martin Ødegård?
- Kan vi snart ta ein romheis heilt opp i verdsrommet?
- Og kva i all verda er eigentleg svart hol, ormehol og mørk materie?
Visste du forresten at det blir total måneformørking 7. september? Det og mykje meir fekk vi vite om – og om alt det spennande som gøymer seg ute i mørkret mellom stjernene.
Til slutt hadde vi sjølvsagt premieutdeling med flotte uttrekkspremiar – og så avslutta vi kvelden med grilling av heile 150 pølser. Ei perfekt avslutning på ein fin seinsommardag!
Når det gjeld Sommarles 2025, er Skjåk nr 3 i Innlandet og nr 10 i heile landet når det gjeld oppslutning. Flinke!
Tusen takk til alle som har vore med - vi er skikkeleg stolte av dykk!