Korleis vil du at Bismo skal bli i framtida?360 grader dronebilde av Bismo Skjåk kommune Korleis vil du at Bismo skal bli i framtida? I dette arbeidet treng vi dine innspel. Kva er bra og kva fungerer mindre bra i sentrum (Bismo)? Kva ønskjer du deg? Korleis vil du at Bismo skal bli i framtida? På oppdrag frå Skjåk kommune gjennomfører Selberg Arkitekter eit moglegheitsstudie for Bismo. Dette er knytt til den fysiske utforminga av Bismo, og viktige tema i arbeidet er: Parkering, trafikkavvikling, mjuke trafikantar, gode møteplassar Kva fungerer i dag og kva fungerer mindre bra? Kva grep kan og bør gjerast i framtida? Vi ønskjer oss innspel frå innbyggjarar, næringsliv, lag og organisasjonar og elles andre interesserte i denne prosessen. Derfor inviterer vi til ope møte tysdag 25. april klokka 19-21, i kantina på Skjåk Barne- og ungdomsskule. På møtet informerer vi om arbeidet med moglegheitsstudiet, men det meste av tida skal brukast til dialog og diskusjonar gjennom gruppearbeid/kafedialog. Dette pleier å vere nyttig og interessant for både deltakarar og oss som arbeider med dette. Konklusjonane som etter kvart blir trekt i moglegheitsstudiet, vil vere viktige rettesnorer når kommunen etterpå skal utforme det formelle planverket gjennom ny reguleringsplan. Alle er velkomne! Sjå invitasjon her (PDF, 958 kB) Sist endret 03.11.2023 14.42