Lom og Skjåk kommunar søkjer etter mannskap til kommunalt skadefellingslag

Lom og Skjåk kommunar er med i prosjektet "Berekraftig sameksistens mellom sau og jerv i utmark" saman med kommunane Lesja og Dovre. På grunn av omorganisering blir det no søkt etter leiar, nestleiar og anna mannskap i alle kommunane. Det er ikkje ei fast tilsetting, men medlem av skadefellingslag signerer ei tidsbestemt oppdragsavtale. Tidlegare medlem blir oppfordra til å søkje. Kvar kommune skal ha sitt  eige skadefellingslag som er organisert i eit interkommunalt samarbeid. I hovudsak vil mannskap rykke ut i eige kommune, men det må kunne påreknast arbeid på tvers av kommunar når det er hensiktsmessig.

Nøkkelkvalifikasjonar:

• Årleg godkjend lisensjegar
• Erfaring frå jakt, gjerne rovdyrjakt
• God fysisk form
• Gode samarbeidsevner, må ha evne til å utføre oppdrag i samsvar med fellingsløyve og etter instruks frå fellingsleiar
• Vere ein god lagspelar
• Ubekvem arbeidstid må kunne påreknast
• Det er ein fordel å kunne bruke Garmin og Tracker hundepeilarsystem, samt anna digitale verktøy i samband med utkalling og timeregistrering. Blir gjeve opplæring i dette.

Kva går oppdraget ut på:

Oppdragstakar tek på seg å inngå i mannskap for kommunalt fellingslag for store rovdyr. Oppdragstakar forpliktar seg til å vere operativ for deltaking på fellingsforsøk gjennom oppdragsperioden. Oppdragstakar forpliktar seg til å bidra i fellingsforsøk utover eigen kommune. Det er berre på anmoding frå oppdragsgjevar at mannskap kan iverksette oppdrag. Dersom mannskap på frivillig basis tek på seg å delta i fellingsforsøk, har ikkje oppdragsgjevar plikt til å godtgjere dette eller stå ansvarleg for deltaking. 

Oppdragstakar må rekne med å jobbe sjølvstendig, men alle oppdrag skal koordinerast gjennom leiar eller nestleiar av laget. Det er leiar eller nestleiar som skal halde kontakt med oppdragsgjevar og Statsforvaltaren.

Stadfesting:

Oppdragstakar forpliktar seg til følgjande:

• Delta på pliktige møter og prioritere deltaking på eventuelle kurs
• Delta på fellingsoppdrag utover eigen kommune
• Deltaking frå oppdragsgjevar skal prioriterast høgt, spesielt ved ettersøk
• Følgje instruks og gjere seg kjend med informasjon utsendt frå oppdragsgjevar
• Vere registrert lisensjegar for gjeldande år og medbringe lisens under fellingsforsøk
• Løyse jegeravgift og vere registrert i Jegerregisteret 2023
• Avleggje årleg skyteprøve for storviltjakt før deltaking på fellingsforsøk
• Disponere eiga jaktrifle med kaliber godkjend for storviltjakt
• Oppdragstakar skal ikkje uttale seg offentleg om forhold som gjeld fellingsforsøk. Ved spørsmål frå media skal det visast til leiar eller ein annan oppnemnd person
• Oppdragstakar har tausheitsplikt i henhald til forvaltningslova §13 a-f

Varigheit:

Oppdragsavtale gjeld frå og med 1.5.2023 til og med 31.4.2028. Oppdragsavtala gjev ikkje rett til noverande eller anna framtidig arbeid i kommunen. Avtala kan seiast opp av begge partar med ein månads varsel.

Godtgjering:

Det blir godtgjort etter medgått arbeidstid, rekna frå utreise til heimkomst. Godtgjering sesong 2023 er ikkje fastsett per i dag.

Søknadsfrist: 15. februar 2023

• Søknad sendast til: postmottak@skjaak.kommune.no
• Skriv i søknaden kva for rolle du søkjer på. Det held med ein stuttfatta søknad. 
• For spørsmål kontakt Kari Hånsnar på e-post: kari.hansnar@skjaak.kommune.no eller telefon 99162602