Sommarjobbprosjektet i Skjåk

Sommarjobbprosjektet har eksistert sidan i 2003. Gjennom alle desse åra har lokal ungdom fått moglegheit til å lære seg kva det vil seie å vere arbeidstakar. Dei får og ein moglegheit til å bli kjent med næringslivet i Skjåk. Dette er nyttig for å skaffe seg erfaring med kva det vil seie og arbeide og for å bidra til å finne ei retning for ei mogleg utdanning. For bedriftene er det ei marknadsføring av bedrifta som kan føre til rekruttering seinare. Bedriftene som tek imot ungdom har eit viktig ansvar for å ta godt vare på, og lære opp ungdomane når dei blir introdusert for arbeidslivet.

• Tiltaket er for ungdom mellom 14 og 18 år. (Det året dei fyller 14 og 18)
• Ungdomane søkjer direkte til bedrifta på vedlagt liste (sjå tabell vedlagt). Søknadsfrist er 15. mai 2024.