23 spente fyrsteklassingar troppa opp på Skjåk barne- og ungdomskule for aller fyrste skuledag i går, måndag 19. august. Ein og ein vart dei ropt opp og ynskja velkomen av rektor ved skulen, Trude Teigen, og lærarar. Spente og full av forventing og nokre sjenerte fyrsteklassingar handhelste på rektor og lærarar, fekk ei rose, før turen gjekk vidare til klasserommet og ein heilt ny kvardag.

Skjåk kommune ynskjer alle store og små, i skule og barnehage velkomne og lykke til med nytt skule- og barnehageår.