Fast stilling som fagarbeidar på Skjåk barne- og ungdomsskule

Skjåk kommune med om lag 2100 innbyggjarar ligg heilt vest i Ottadalen, med kort avstand til nokre av landets flottaste og mest besøkte nasjonalparkar og elver. Skjåk er ein aktiv kommune for næringsutvikling og turisme, og kommunesentrumet Bismo er den siste tettstaden før riksvegen tek deg over til Vestlandet. Kommunen har gode fasilitetar for aktivitetar og friluftsliv.

Skjåk satsar også målretta på gode oppvekstvilkår. Hausten 2026 opnar eit nytt bygg der barnehage og helsestasjon blir samlokaliserte. Kommunen har også ny idretts- og symjehall. I sentrum finn ein alle desse i tillegg til skule, idrettsanlegg, kulturskule og bibliotek samla innanfor ei lita kjerne, noko som gir eit trygt og godt oppvekstmiljø for barn og unge.

Skjåk barne- og ungdomsskule ligg i Bismo sentrum, har 197 elevar frå 1.–10. trinn og vart opna i 2018. Skulen er ein MOT-skule som legg vekt på tidleg innsats, fagleg og sosial læring i eit inkluderande skulemiljø og utvikling av profesjonelle læringsfelleskap.

Som tilsett hjå oss vil du ha gode utviklingsmolegheiter både individuelt og som del av eit profesjonsfellesskap. Du vil få ein variert arbeidsdag der du kan gjere ein forskjell for læring og utvikling hjå barn. I kvardagen vil du jobbe saman med ei tverrfagleg samansett personalgruppe med høg fagleg kompetanse og engasjement som hjelper og støttar kvarandre.

Stilling

• Ansvar for oppfølging av elevar med særskilte behov gjennom skuledagen og på SFO. 
• Oppfølging av atferdsanalytisk arbeid. 
• Bidra til å tryggje skulekvardagen. 
• Samarbeid med pedagogar, pedagogiske medhjelparar og andre kompetansepersonar.

Ønska kvalifikasjonar

• Utdanning som fagarbeidar eller anna relevant utdanning.  
• Erfaring frå arbeid med barn med oppfølgingsbehov. 
• Kompetanse om relasjonsarbeid og kommunikasjon med barn. 
• Erfaring med miljøskapande arbeid for barn.

Personlege eigenskapar

• Evne til å arbeide sjølvstendig og i team. 
• Takle varierte arbeidsdagar. 
• Evne til å opptre roleg og bestemt, også i stressa situasjonar.
• Kunne sjå barnet sitt behov og bidra til ein trygg læringssituasjon. 
• Lojal, ansvarsfull og inkluderande. 
• God skriftleg og munnleg framstillingsevne. 
• Kan stille seg bak skulen sin visjon: «Robust og positiv»
• Kunne bidra med: God stemning – bakgrunnsforståing i møte med barn – praktisere tøff kjærleik.
   

Personlege eigenskapar blir vektlagt. Skjåk kommune ynskjer eit mangfald i personalgruppa, og oppmodar særleg menn til å søkje.

• Ved tilsetjing må godkjent politiattest leggast fram i tråd med bestemmingane i opplæringslova. 
• Kopi av vitnemål og attestar skal vere med til intervju.
• Ønskjer du fleire opplysningar om stillinga, ta kontakt med rektor Sjur Arne Lindby på tlf 92289139

Søknadsfrist: 15.04.2026

Elektronisk søknadsskjema
Søkjarlista vil bli offentleggjort. Skjåk kommune praktiserer meiropenheit ved tilsetjingar. 
Dersom du ønskjer unntak frå offentlegheit, må dette grunngjevast særskilt.