Landbruksdirektoratet tilrår at kommunen utarbeidar ei felles forskrift for opning av jakt, fastsetting av minsteareal, og for fastsetting av fellingsavgifter. Deretter må forskrifta bli revidert ved behov. Det vil gjere avgjerslene lettare tilgjengeleg for både jegerar, interesseorganisasjonar og viltmynde.

Skjåk kommune har frå før ei forskrift om forvaltning av elg, hjort og rådyr. Det er berre fellingsavgifter som blir eit nytt element i denne forskrifta. Det andre innhaldet blir vidareført frå eksisterande forskrift: https://lovdata.no/dokument/LF/forskrift/2006-06-22-901/KAPITTEL_1#KAPITTEL_1

Skjåk kommune har dei siste 15 åra brukt maksimal sats på fellingsavgiftene for elg og hjort. Ein stor del av fellingsavgiftene blir mellom anna brukt til fallviltoppgåver, t.d. ettersøk og avliving av påkøyrd hjortevilt. Det er viktig at ein har tilstrekkeleg inntekt til å gjennomføre denne oppgåva på ein god måte. I Skjåk er det om lag 50 påkøyrslar av hjortevilt pr år. Med utsikter til auka trafikk på Rv15 i åra som kjem vil det neppe bli færre påkøyrslar. Det er derfor behov for å oppretthalde inntektene til fallviltarbeid. Da er det lita aktuelt å legge opp til noko anna enn maksimalsats.

Vedlegg:

• Saksprotokoll - fastsetting av fellingsavgift for jakt på elg og hjort i forskrift. (PDF, 526 kB)