Dersom du vert sjuk bør du teste deg, anten på legekontoret eller med ein sjølvtest heime.

Henting av sjølvtest

Sjølvtestane kan du hente ved å melde deg (fysisk) ved ambulanseinngangen på Skjåk legekontor mellom kl 11 og 14 på virkedagar. (Ambulanseinngangen finn du på baksida av Skjåk kommunehus ved teststasjon/telt)

Om sjølvtesten er positiv skal du gjere følgande:

1. Set deg sjølv i isolasjon fram til 6 dagar etter at du fekk symptom. Om du ikke har symptom skal du vera i isolasjon fram til 6 dager etter testtidspunkt. Du treng ikkje teste deg på ny etter desse 6 dagane, men du må ha vore feberfri i minst 24 timar før du kan gå ut av isolasjon.
2. Dei du bur med skal teste seg med sjølvtestar dagleg fram til 4 dagar etter at du er ute av isolasjon. Husstandsmedlemmer treng ikkje vera i karantene dersom dei testar negativt.
3. Gje beskjed til andre nærkontakter at dei kan ha vorte smitta. Dei skal da teste seg på dag 3 og 5 etter at de var i kontakt. Nærkontaktene kan òg hente sjølvtestar.
4. Har du teke tre vaksinedoser, så skal du registrere deg som smitta på kommunen si side for sjølvregistrering. (sjå også lenke på knapp sist i sak)
5. Om du ikkje har teke 3 vaksinedoser, så skal du melde frå til legekontoret på telefon 61 21 71 00 for vidare beskjed.

Sjølvregistrering - registrer deg som smitta her.

Du får ikkje gratis sjølvtest dersom du:

• skal gjennomføre rutinetesting i regi av arbeidsgjevarar.
• skal teste deg før arrangement og sosiale samankomstar i offentleg eller privat regi.