Mat og målføre er tema for Diktardagar 2022. Festivalen skal ha arrangement i Lom, Skjåk og Vågå. Spennande forfattarmøte, quiz, utstillingar, intensivkurs i kasus og fleire konsertar er noko av det som står på programmet. Her finn du kjende namn som Synne Vo, Magnus Takvam, Sanna Sarromaa, Hans Olav Lahlum, Aslak Brimi, Arne Brimi og fleire til. Les programmet og du vil heilt sikkert finne noko som fell i smak.
Program Diktardagar 2022
Du kan kjøpe billettar og lese heile programmet på nettsida:
Litt om programmet
God mat og vakkert målføre er kvalitetar som bygdene våre har blitt så kjende for. Årets Diktardagar kan presentere ein rikhaldig meny for åndeleg påfyll og gastronomiske opplevingar.
Marlo Grendehus
Fredag 2/9 kl 18.00 kan du ta turen til Marlo Grendehus, opninga av Diktardagar blir nemleg markert med ein kulturell kveld her.
- Opning ved ordførar i Skjåk, Edel Kveen
- Song og musikk v/Mari Eide Lindsheim
- Festtale v/Sanna Sarromaa
- Forfattar Hilde Kvalvaag
- Utdeling av Diktardagarprisen 2022
- Song og musikk v/Aslak Brimi med band
- Nordvesten spælle Blues – og så vi da. Syver Olstad, Stein Elvestad og Malin Zetterberg framfører tekster av Arvid Hanssen
- Lom og Skjåk kulturskule
Opninga av Diktardagar 2022 skal gå føre seg i Marlo Grendehus 2. sept. kl 18.
Magnus Takvam
Laurdag 3. september kl 12 vil journalist og forfattar Magnus Takvam gjeste Skjåk folkebibliotek. Her vil han prate om boka Hun skrev for å kunne leve. Min mor, Marie Takvam.
Synne Vo
Laurdag 3. september kl 19 kan du få med deg konserten i Utgard i Lom med den populære artisten frå Lesja, Synne Vo.
Spennande debatt
Forfattar og kronikør Sanna Sarromaa har ei kritisk tilnæring til bruk av dialektar. På Diktardagar treffest Sanna Sarromaa, NRK-journalist Hans Andreas Solbakken og stipendiat ved Høgskulen på Vestlandet, Kirsti Lunde, til debatt om bruk av dialektar og nynorsk.
Ny barneplate
Folkemusikar Aslak Brimi og lyrikar og låtskrivar Frikk Gjeilo har gått saman om å gje ut barneplate. Under Diktardagar blir det plateslepp og urframføring av den nye musikken. Aslak og jentene i Fjelltite turnerer med familiekonsert i alle dei tre bygdene våre.
Diktardagar