Ordførar Edel Kveen "opna" dei nye tilboda ved biblioteket med snorklipping og gode ord. Kommunedirektør Ivar Bø og fylkesbiblioteksjef Tone Nyseter heldt tale, Endre Skjåk las dikt av Jan-Magnus Bruheim, ungar frå Bismo Barnehage bidrog med song, Stein Grjotheim og Sigrun Eide orienterte om tilboda ved biblioteket og ei videohelsing frå Abid Raja vart sendt på storskjerm. Det vart ei staseleg og fin opning med gjester, flagg, god stemning, jubileumskake og påsmurte skiver med Gudbrandsdalsost og Skjåkpysje.

Dei nye tilboda er på full fart inn i  bibliotekverda. Vi er fyrst i Nord-dalen med meirope bibliotek, og frøbibliotek er det berre Hamar som har i Innlandet fylke pr. i dag.

Frøbibliotek
- er eit tilbod til alle hobbygartnarar. Her kan du låne frø om våren, når hausten "endeleg" kjem kan du sanke frø   frå plantene du har dyrka. Om du vil, kan du levere frø attende til biblioteket slik at andre kan låne dei året etter. Prinsippet er Lån-Dyrk-Sank-Levér.

Les meir om dei nye tilboda til Skjåk folkebibliotek

• Meirope bibliotek
• Frøbibliotek