Ein treng ikkje tilvising frå lege for å få oppfølging av fysio- eller ergoterapeut. Du bestemmer sjølv om du vil oppsøke oss direkte eller gå via fastlegen. Oppsøker du oss direkte er det vi som vurderer behov for tiltak. Om du treng akutt medisinsk hjelp må du oppsøke lege.

Vi prioriterer hastegrad på innkomne saker etter fastsette kriterium, og ventetida for oppfølging vil variere.

KONTAKT LOM

KONTAKT SKJÅK

Det er eigenandel på fysioterapi til du oppnår grense for frikort.

Les meir om eigenandel og betaling hjå fysioterapi på helsenorge.no

For å gje deg best mogleg behandling og oppfølging, nyttar fysioterapiavdelinga eit felles journalsystem og alle fysioterapeutane har tilgang til pasientar på venteliste.

Her finn du informasjon om korleis opplysningane dine blir behandla, og kva rettar du har som pasient.

Opplysningane om deg blir lagra i ein elektronisk pasientjournal.

Berre autorisert helsepersonell ved fysioterapiavdelinga har tilgang til journalen.

Alle terapeutar som er involvert i behandling eller vurdering av pasientar har tilgang, men berre når det er nødvendig for å gi helsehjelp. 

Tilgangen blir loggført og kontrollert.

Du har rett til å: 

• Avgrense tilgang til journalen for visse terapeutar (sperring av journal).
• Be om innsyn i journalen din og sjå kven som har hatt tilgang.
• Kreve retting eller sletting av feilaktige opplysningar.
• Reservere deg mot felles venteliste, men dette kan påverke ventetid og tilbod.
• Ta kontakt med oss dersom du ønskjer å reservere deg eller har spørsmål om journaltilgang.

• Du blir sett opp på ei venteliste, der terapeutar kan finne deg.
• Ein terapeut vil ta kontakt med deg når det er din tur, basert på prioritering og kapasitet.

• Vi følgjer strenge krav til personvern og informasjonstryggleik.
• All behandling av opplysningar skjer i samsvar med GDPR og norsk helselovgiving.

• Pasient og brukarrettigheitslova
• Pasientjournallova
• Personopplysningsloven (GDPR)
• Normen for informasjonssikkerheit: Krav til tilgangsstyring, dokumentasjon og trygg lagring
• Helsepersonellova