Kvardagsrehabilitering
Kva er kvardagsrehabilitering?
Ei tildelt teneste frå kommuna der målet er at du skal oppleva auka meistring i aktiviteter som er viktig for deg nå.
I samarbeid med deg vil eit tverrfagleg team utarbeide mål som du tykkjer er viktig å meistre i din kvardag, du vil få rettleiing og oppfylgjing i aktivitetar som gir framgang. Tilbodet gjeld i ei avgrensa periode. Vi evaluerer og justerer tiltaka etter behov.
Målgruppa
Kvardagsrehabilitering kan vera aktuelt for deg dersom du bur heime og strevar med å meistre aktivitetar som er viktig for deg i kvardagen. Har du vore innlagt på sjukehus eller institusjon og opplever behov for bistand i ettertid kan kvardagsrehabilitering hjelpe deg å meistre (t.d.):
- personleg stell
- kome deg inn og ut av senga
- matlaging
- gå trapp
- reise og sette seg frå stol
- gå ute
Kven er vi?
Eit tverrfagleg team sett saman av ergoterapeut, fysioterapeut, sjukepleier og heimetrenarar som ynskjer å bidra til at du kan nå måla dine. Vi kjem heim til deg og vil saman med deg trene på det du tykkjer er viktig i kvardagen.
Kva forventar vi av deg?
Du må vera motivert til å gjera ein innsats for å nå dei måla du har sett slik at du i størst mogleg grad kan vera aktiv i eige liv – i eigen heim.
Du søkjer på tenesta på søknadsskjema for pleie og omsorg (PDF, 632 kB).