Produksjonstilskot er ei felles nemning for fleire ulike tilskotsordningar som foretak som driv vanlig jordbruksproduksjon kan søke på. Føremålet med produksjonstilskot etter forskrifta er å bidra til eit aktivt og bærekraftig jordbruk innanfor dei målsetjingar Stortinget har trukke opp. Det er delmål for kvar ordning, mellom anna å styrke og jevne ut inntektene mellom ulike produksjonar, skjøtte kulturlandskapet og stimulere til beiting. Tilskot til avløysing ved ferie og fritid er ei refusjonsordning som skal gje jordbruksføretak moglegheit til å ta ut ferie og fritid.

Produksjonstilskot omfattar tilskotsordningane:

• Arealtilskot
• Kulturlandskapstilskot
• Tilskot for husdyr
• Tilskot for dyr på beite
• Tilskot for dyr på utmarksbeite
• Driftstilskot til mjølkeproduksjon
• Driftstilskot til spesialisert storfekjøttproduksjon
• Tilskot til små og mellomstore mjølkebruk
• Tilskot for bevaringsverdige husdyrraser
• Arealtilskot til økologisk landbruk
• Tilskot til økologisk husdyrproduksjon
• Distriktstilskot til frukt, bær og veksthusgrønnsaker

Du søker også om tilskot til avløysing ved ferie og fritid i same søknadsskjema. 

Det er to søknadsfristar og ei utbetaling av produksjons- og avløysartilskot per år. Søknadsfrist for del 1 av søknaden er 15. mars, med teljedato 1. mars. Søknadsfrist for del 2 av søknaden er 15. oktober, med teljedato 1. oktober. Ved del 1 av søknaden er det husdyrprodusentar som kan levere søknad. Ved del 2 kan både husdyr- og planteprodusentar levere søknad.

Søknadsskjema og meir info om ordninga finn du her:

• Landbruksdirektoratet

Det er landbrukskontoret som behandlar søknadar om produksjonstilskot. Ta kontakt med oss dersom du har spørsmål til ordninga eller ønsker rettleiing til søknaden.