Lom og Skjåk tildelingskontor

Treng du, eller nokon du kjenner, tenester frå Pleie og omsorgstenesta i Lom eller Skjåk, skal dei ta kontakt med Lom og Skjåk tildelingskontor.

Lom og Skjåk tildelingskontor

Korleis kontakte tildelingskontoret:

Tildelingskontoret for Lom og Skjåk har ikkje ope for publikum, men kan gjere avtale med innbyggjarar etter behov. Dette kan vere rådgjeving, hjelp til å fylle ut søknadar/ klagesakar og anna. Ynskjer du å møte ein saksbehandlar skal dette avtalast på førehand, anten på telefon eller e-post: tildelingskontoret@skjaak.kommune.no 

Kva er tildelingskontoret?

Tildelingskontoret fattar vedtak om tenester ut frå gjeldande lovverk og Kvalitetsstandardane for tildeling av tenester i Pleie- og omsorg i Lom og Skjåk kommune. Dei har eit tverrfagleg samarbeid med Skjåkheimen, Helseheimen i Lom, heimetenestene, fastleger og andre relevante partar. 

Diverse søknadsskjema:

Tildelingskontoret saksbehandlar søknadar om desse tenestene:

  • Avlastningstiltak (t.d. døgnopphald eller støttekontakt)
  • Døgnopphald på sjukeheim
  • Rehabilitering (t.d. i form av døgnopphald eller kvardagsrehabilitering)
  • Praktisk bistand til reinhald eller andre oppgåver i heimen
  • Heimesjukepleie til helsetenester i heimen
  • Velferdsteknologi (t.d. tryggleiksalarm og medisindispenser)
  • Personleg assistent
  • BPA (Brukarstyrt personleg assistanse)
  • Støttekontakt
  • Butilbod (t.d. omsorgsbustad eller bufellesskap)
  • Dagsenter (t.d. dagtilbod for demente eller utviklingshemma)
  • Habilitering (t.d. i form av miljøarbeid i heimen)
  • Individuell plan og ansvarsgruppe
  • Ledsagerbevis
  • Matombringing
  • Omsorgsstønad
  • Parkeringsbevis for forflytningshemma (Søknadsskjema kan du få på tildelingskontoret.)

Prisar på tenester finn du under menypunkt Gebyrer

Opningstider

  • Måndag: 09.00-15.00
  • Tysdag:  09.00-15.00
  • Onsdag: kun etter avtale
  • Torsdag: 09.00-15.00
  • Fredag:  kun etter avtale